స్టైలిష్ స్టార్ అల్లు అర్జున్ నటిస్తున్న లేటెస్ట్ మూవీ ‘పుష్ప’ ఇప్పటికే తొలి షెడ్యూల్ షూటింగ్ను ప్రారంభించిన సంగతి తెలిసిందే.టాలీవుడ్ క్రియేటివ్ డైరెక్టర్ సుకుమార్ డైరెక్షన్లో తెరకెక్కుతున్న ఈ సినిమాను పూర్తి మాస్ యాక్షన్ ఎంటర్టైనర్గా రూపొందిస్తున్నారు.
కాగా ఎర్రచందనం స్మగ్లింగ్ బ్యాక్డ్రాప్తో తెరకెక్కుతున్న ఈ సినిమాలో బన్నీ ఓ లారీ డ్రైవర్ పాత్రలో నటించనున్నట్లు చిత్ర యూనిట్ తెలిపింది.ఇక ఈ సినిమాలోని బన్నీ ఫస్ట్ లుక్ పోస్టర్స్కు అదిరిపోయే రెస్పాన్స్ వచ్చిన సంగతి తెలిసిందే.
అయితే దర్శకుడు సుకుమార్ ఓ సెంటిమెంట్ను ఈ సినిమాలో కూడా ఫాలో అవుతున్నాడట.సుకుమార్ డైరెక్షన్లో మెగా పవర్ స్టార్ రామ్ చరణ్ హీరోగా తెరకెక్కిన రంగస్థలం చిత్రం ఎలాంటి సక్సెస్ను అందుకుందో అందరికీ తెలిసిందే.
ఈ సినిమాను కూడా మాస్ ఎంటర్టైనర్గా సుకుమార్ తీర్చిదిద్దడంతో ఈ సినిమా బాక్సాఫీస్ వద్ద సెన్సేషనల్ హిట్గా నిలిచింది.ఇక ఈ సినిమాలో చరణ్కు ఓ అన్నయ్య ఉంటాడు.
కథలో కీలకంగా అతడి పాత్ర ఉండటంతో ఇప్పుడు పుష్ప చిత్రం కోసం కూడా బన్నీకి అన్నయ్యను పెడుతున్నాడు.అయితే ఈ సినిమాలో బన్నీకి ఒకరు కాదు ఇద్దరు అన్నయ్యలు ఉంటారని తెలుస్తోంది.
కథలో వారి పాత్రలు చాలా కీలకంగా ఉంటాయని, రంగస్థలం సెంటిమెంట్ ఈ సినిమాలో కూడా వర్కవుట్ అవుతుందని చిత్ర యూనిట్ భావిస్తోంది.ఇక బన్నీకి అన్నయ్యలుగా నటించేది ఎవరనే విషయంపై క్లారిటీ రావాల్సి ఉంది.
ఏదేమైనా తన గత చిత్రంలోని సెంటిమెంట్ను పుష్పలో కూడా ఫాలో అవుతుండటంతో సుకుమార్ ఈ సినిమాను ఏ విధంగా తెరకెక్కిస్తాడా అనే ఆసక్తి సర్వత్రా నెలకొంది.ఇక ఈ సినిమాలో బన్నీ సరసన కన్నడ బ్యూటీ రష్మిక మందన హీరోయిన్గా నటిస్తోంది.