స్టైలిష్ స్టార్ అల్లు అర్జున్ సంక్రాంతి బరిలో అల వైకుంఠపురములో సినిమాతో అదిరిపోయే బ్లాక్‌బస్టర్ అందుకున్నాడు.మాటల మాంత్రికుడు త్రివిక్రమ్ డైరెక్ట్ చేసిన ఈ ఫ్యామిలీ ఎంటర్‌టైనర్‌లో బన్నీ యాక్టింగ్‌ను ఆడియెన్స్ ఫుల్ ఎంజాయ్ చేశారు.
ఇక ఈ సినిమా తరువాత తన నెక్ట్స్ మూవీని మరోసారి క్రియేటివ్ డైరెక్టర్ సుకుమార్ దర్శకత్వంలో తెరకెక్కిస్తున్నాడు.
ఇప్పటికే షూటింగ్ కూడా జరుపుకుంటున్న ఈ సినిమాలో బన్నీ చాలా రఫ్ లుక్‌లో కనిపిస్తాడని చిత్ర యూనిట్ తెలిపింది.
ఈ సినిమా ఎర్రచందనం స్మగ్లింగ్ బ్యాక్‌డ్రాప్‌లో నడుస్తుందని, బన్నీ ఓ లారీ డ్రైవర్ పాత్రలో నటిస్తాడని ఫిలిం నగర్‌ టాక్.ఇక ఈ సినిమా కోసం బన్నీ గడ్డం గుబురుగా పెంచిన లుక్‌‌తో ఇప్పటికే ఆడియెన్స్‌కు కనిపించాడు.
కాగా తాజాగా సోషల్ మీడియాలో ఈ సినిమాకు సంబంధించిన ఓ ఫ్యాన్ మేడ్ పోస్టర్ తెగ హల్‌చల్ చేస్తోంది.
తమలోని క్రియేటివిటీని బయటపెడుతూ ఫ్యాన్స్ రూపొందించిన ఈ పోస్టర్‌లో బన్నీ నిజంగా అదరగొట్టాడు.
ఈ పోస్టర్ బన్నీ కంట పడటంతో తన పుట్టినరోజైన ఏప్రిల్ 18న ఈ సినిమా ఫస్ట్ లుక్ లేదా స్కెచ్ లుక్‌ను రిలీజ్ చేయాలని భావిస్తున్నాడట.ఈ మేరకు చిత్ర యూనిట్‌కు ఆ పనులు కూడా అప్పగించాడట.
మరి బన్నీ బర్త్‌డే గిఫ్ట్ ఎలా ఉంటుందో చూడాలని ఫ్యాన్స్ ఆసక్తిగా ఎదురుచూస్తున్నారు.
