Allu Arjun Nayanthara : ఆ రోజు అవమానానికి నేడు నయనతారపై బన్నీ ప్రతీకారం తీర్చుకుంటున్నాడా..?

అల్లు అర్జున్, నయనతార కాంబినేషన్‌లో ఇప్పటిదాకా ఒక్క సినిమా కూడా రాలేదు.

అయితే వారి కాంబినేషన్ లో ఏ సినిమా రాకూడదని కోరుకునే అభిమానులు చాలామంది ఉన్నారు.

ఎందుకంటే ఒక పబ్లిక్ ఈవెంట్‌లో అల్లు అర్జున్ ను( Allu Arjun ) నయనతార అవమానించింది.నానుమ్ రౌడీ ధాన్ (2015) సినిమాలో విజయ్ సేతుపతి సరసన నయనతార( Nayanthara ) నటించిన సంగతి తెలిసిందే.

తెలుగులో "నేనూ రౌడీనే"గా( Nenu Rowdy Ne ) ఇది డబ్‌ అయింది.హీరో ధనుష్ నిర్మాణంలో రూపొందిన ఈ సినిమాకి రూ.14 కోట్లు పెడితే రూ.31 కోట్లు వచ్చాయి.ఈ మూవీలో నయనతార యాక్టింగ్ వేరే లెవెల్ లో ఉందని చెప్పుకోవచ్చు.

అందుకే ఆమెకు ఈ సినిమాలో చూపించిన నటనకు గాను చాలా అవార్డ్స్ వచ్చాయి.అయితే ఒక ఫంక్షన్ లో ఈ సినిమాకు గాను బెస్ట్ యాక్ట్రెస్ అవార్డును ఆమెకు ఇవ్వడానికి స్టేజి మీదకి అల్లు అర్జున్ వచ్చాడు.

ఆ సమయంలో నయనతార అల్లు అర్జున్ చేతుల మీదగా అవార్డు తీసుకోవడానికి ఒప్పుకోలేదు.అవార్డును తనకు కాబోయే భర్త విగ్నేష్ శివన్( Vignesh Shivan ) చేతుల మీదగా తీసుకోవాలనుకుంటున్నానని అందరి ముందే కొంచెం కూడా మర్యాద లేకుండా చెప్పేసింది.

దానివల్ల అల్లు అర్జున్ బాధపడాల్సి వచ్చింది.స్టేజ్ పై నుంచి కిందకు దిగాల్సిన పరిస్థితి కూడా ఏర్పడింది.

ఇక ఫ్యాన్స్ అయితే ఆమెను ఏకిపారేశారు.హీరోల పట్ల కనీస గౌరవం చూపించడం లేదని ఆమెపై విమర్శలు గుప్పించారు.2016 సమయంలో ఈ ఘటన అటు కోలీవుడ్, ఇటు టాలీవుడ్ లో పెద్ద దుమారమే రేపింది.