స్టైలిష్ స్టార్ అల్లు అర్జున్ నటిస్తున్న లేటెస్ట్ మూవీ పుష్పకోసం యావత్ ప్రేక్షకులు ఎంతో ఆసక్తిగా ఎదురుచూస్తున్నారు.గతేడాది అల వైకుంఠపురములో చిత్రంతో అదిరిపోయే సక్సెస్ అందుకున్న ఈ హీరో, ఈ ఏడాది ‘పుష్ప’ చిత్రంతో తన జైత్రయాత్రను కొనసాగిస్తాడని అభిమానులు ధీమా వ్యక్తం చేస్తున్నారు.
అయితే ఈ సినిమాను క్రియేటివ్ డైరెక్టర్ సుకుమార్ తెరకెక్కిస్తుండటంతో ఈ సినిమాపై అంచనాలు అమాంతం ఆకాశాన్ని అందుకున్నాయి.ఇక ఈ సినిమాను పూర్తి మాస్ యాక్షన్ కాన్సెప్ట్‌తో తెరకెక్కిస్తుండటంతో ఈ సినిమా ఎలా ఉండబోతుందా అనే ఆతృతగా ప్రేక్షకుల్లో నెలకొంది.
కాగా ఈ సినిమాలో పుష్పరాజ్ అనే ఊరమాస్ పాత్రలో బన్నీ మేకోవర్ ఎలా ఉండబోతుందో మనం ఇప్పటికే పోస్టర్స్, టీజర్ల రూపంలో చూశాం.ఈ సినిమాను పాన్ ఇండియా మూవీగా సుకుమార్ తెరకెక్కిస్తుండటంతో ఈ సినిమా ఎలాంటి రికార్డులు క్రియేట్ చేస్తుందా అని అందరూ వెయిట్ చేస్తున్నారు.
కాగా ఈ సినిమా కోసం బన్నీ భారీ రెమ్యునరేషన్ పుచ్చుకుంటున్నట్లు ఇండస్ట్రీ వర్గాల్లో టాక్ వినిపిస్తోంది.పుష్ప చిత్రాన్ని రెండు భాగాలుగా తెరకెక్కిస్తుండటంతో, ఈ సినిమా కోసం బన్నీ ఏకంగా రూ.65 కోట్ల భారీ రెమ్యునరేషన్ తీసుకుంటున్నట్లు టాక్.బన్నీ కెరీర్‌లో ఇదే బిగ్గెస్ట్ రెమ్యునరేషన్ అని తెలుస్తోంది.
ఇక పుష్ప చిత్రాన్ని మైత్రీ మూవీ మేకర్స్ వారు ఏకంగా రూ.250 కోట్ల భారీ బడ్జెట్‌తో ప్రొడ్యూస్ చేస్తుండటంతో, ఈ సినిమా బాక్సాఫీస్ వద్ద ఎలాంటి సునామీని సృష్టిస్తుందా అని అందరూ లెక్కలు వేస్తున్నారు.స్మగ్లింగ్ బ్యాక్‌డ్రాప్‌లో తెరకెక్కుతున్న ఈ సినిమాలో బన్నీ సరసన అందాల భామ రష్మిక మందన హీరోయిన్‌గా నటిస్తోంది.ఈ సినిమాలో మలయాళ నటుడు ఫాహద్ ఫాజిల్ విలన్ పాత్రలో నటిస్తుండటంతో ఈ సినిమా మరింత ప్రాముఖ్యతను సంతరించుకుంది.
మరి ఈ సినిమా బాక్సాఫీస్ వద్ద ఎలాంటి సెన్సేషన్ క్రియేట్ చేస్తుందో తెలియాలంటే పుష్ప చిత్రం రిలీజ్ అయ్యే వరకు వెయిట్ చేయాల్సిందే.
