మెగాస్టార్ చిరంజీవి నటిస్తున్న లేటెస్ట్ మూవీ ‘ఆచార్య’ చిత్రం ప్రస్తుతం శరవేగంగా షూటింగ్ జరుపుకుంటోంది.ఈ సినిమాను స్టార్ డైరెక్టర్ కొరటాల శివ డైరెక్ట్ చేస్తుండటంతో ఈ సినిమాపై భారీ అంచనాలు క్రియేట్ అయ్యాయి.
ఇక ఈ సినిమాతో చిరు మరోసారి ఇండస్ట్రీని షేక్ చేయడం ఖాయమని చిత్ర వర్గాలు అంటున్నాయి.కాగా ఈ సినిమా తరువాత కొరటాల తన నెక్ట్స్ మూవీని ఎవరితో తెరకెక్కించాలా అనే ఆలోచనలో పడ్డాడట.
ఇప్పటికే తన నెక్ట్స్ చిత్రం కోసం యంగ్ టైగర్ ఎన్టీఆర్, మెగా పవర్ స్టార్ రామ్ చరణ్‌లను లైన్‌లో పెట్టిన కొరటాల, ఆచార్య సినిమా ముగించుకునే సమయానికి వారిద్దరూ కూడా బిజీగా ఉంటారని తెలుసుకున్నాడు.దీంతో స్టైలిష్ స్టార్ అల్లు అర్జున్ అయితే అప్పటికి పుష్ప చిత్రాన్ని ముగించుకుని రెడీగా ఉంటాడని తెలుసుకుని, తన నెక్ట్స్ చిత్రాన్ని ఆయనతో తెరకెక్కించేందుకు సిద్ధమవుతున్నాడు.
మరి బన్నీ నిజంగానే ఆ సమయానికి ఖాళీగా ఉంటాడా అనేది సందేహంగా మారింది.
అయితే కొరటాల లాంటి స్టార్ డైరెక్టర్ బన్నీతో సినిమా చేస్తున్నాడంటే, అది ఎంత పవర్‌ఫుల్ సబ్జెక్ట్‌గా ఉండబోతుందా అని ప్రేక్షకులు ఆసక్తిగా ఎదురుచూస్తున్నారు.
కాగా ప్రస్తుతం బన్నీ సుకుమార్ డైరెక్షన్‌లో పుష్ప అనే సినిమాలో నటిస్తుండగా, వేణు శ్రీరామ్ డైరెక్షన్‌లో ఐకాన్ అనే సినిమాను కూడా క్యూలో పెట్టాడు.మరి కొరటాల కోసం ఐకాన్ సినిమాను మరోసారి పక్కకుబెడతాడా లేక కొరటాలకు నో చెబుతాడా అనేది వేచి చూడాలి.
