అల్లు అర్జున్ హీరోగా ‘నా పేరు సూర్య’ వచ్చి సంవత్సరం దాటింది.మరో సినిమాతో బన్నీ ఇప్పటి వరకు రాలేదు.
దాదాపు సంవత్సరం పాటు కెమెరాకు దూరం ఉన్న బన్నీ తాజాగా త్రివిక్రమ్ దర్శకత్వంలో మూవీకి ఓకే చెప్పాడు.ఇటీవలే ఆ సినిమా ప్రారంభం అయ్యింది.
శరవేగంగా చిత్రీకరణ జరుగుతోంది.ప్రస్తుతం సినిమాకు సంబంధించిన షూటింగ్లో బన్నీ పాల్గొంటున్నాడు.
ఇదే సమయంలో మరో రెండు సినిమాల గురించిన చర్చలు జరుగుతున్నాయి.
విశ్వసనీయంగా అందుతున్న సమాచారం ప్రకారం త్రివిక్రమ్ మూవీ చేస్తూనే సుకుమార్ సినిమాను మొదలు పెట్టబోతున్నాడు.త్రివిక్రమ్ మూవీ పూర్తి అయ్యేలోపు సుకుమార్ మూవీ సగంకు పైగా పూర్తి చేయాలని బన్నీ భావిస్తున్నాడట.ఇదే సమయంలో వేణు శ్రీరామ్ దర్శకత్వంలో కూడా ఒక సినిమాను ప్లాన్ చేశాడు.
ఆ సినిమాకు ‘ఐకాన్’ అనే విభిన్నమైన టైటిల్ను పెట్టడం జరిగింది.ఈ మూడు సినిమాలు కూడా కేవలం సంవత్సరం గ్యాప్లో వచ్చేలా ప్లాన్ చేస్తున్నాడు.
బన్నీ మరీ ఇంత స్పీడ్గా సినిమాలు చేయడం వల్ల కాస్త ఇబ్బంది ఉండే అవకాశం ఉందని సినీ వర్గాల వారు అంటున్నారు.ప్రస్తుతం సినిమాకు సంబంధించిన విషయాలను ఒకటికి రెండు సార్లు అంటూ పదే పదే క్రాస్ చెక్ చేసుకుని మరీ తెరకెక్కిస్తున్నారు.
అందుకే స్టార్ హీరోల సినిమాలు సంవత్సరాలు పడుతున్నాయి.మరి అలాంటిది ఒక్క సంవత్సరంలో మూడు సినిమాలు ఎలా బాసూ అంటూ బన్నీని ఫ్యాన్స్ ప్రశ్నిస్తున్నారు.కాస్త స్లోగానే మంచి సినిమాలు చేయాలంటూ మెగా ఫ్యాన్స్ కోరుతున్నారు.