గుణశేఖర్‌ స్వీయ నిర్మాణంలో తెరకెక్కించిన ‘రుద్రమదేవి’ చిత్రంకు మంచి కలెక్షన్స్‌ వస్తున్నాయి.ఇప్పటికే 50 కోట్లను క్రాస్‌ చేసిన ఈ చిత్రంలో అల్లు అర్జున్‌ పోషించిన పాత్రకు మంచి రెస్పాన్స్‌ వస్తోంది.
గోనగన్నారెడ్డి పాత్ర లేకుంటే రుద్రమదేవి చిత్రం లేదు అన్నంతగా అల్లు అర్జున్‌ ఈ చిత్రంలో దుమ్ము రేపాడు.ఈ చిత్రం కోసం అల్లు అర్జున్‌ పని చేసింది కేవలం నెల రోజులే.
అయినా కూడా అంత క్రెడిట్‌ అంతా కూడా తానే దక్కించుకున్నాడు.తాజాగా ఈ చిత్రం సక్సెస్ మీట్‌లో పాల్గొన్న బన్నీ ఆసక్తికర కామెంట్స్ చేశాడు.
‘రుద్రమదేవి’ వంటి చారిత్రాత్మక నేపథ్యం ఉన్న చిత్రంలో నటించడం చాలా సంతోషంగా ఉంది.ఈ చిత్రం కోసం గుణశేఖర్‌ చాలా కష్టపడ్డారు.
ఇక అనుష్క ఈ చిత్రం కోసం మూడు సంవత్సరాలు కష్టపడ్డారు.ఈ చిత్రానికి నిజమైన హీరో అనుష్క అని అల్లు అర్జున్‌ అన్నాడు.
తాను కేవలం 30 రోజులు మాత్రమే ఈ సినిమా కోసం కష్టపడ్డాను అని, అనుష్క పడ్డ కష్టానికి ప్రతిఫలం ఇప్పుడు దక్కిందని అన్నాడు.ఈ చిత్రంలో తాను చేసిన చిన్న పాత్రే అని, సినిమా సక్సెస్ క్రెడిట్‌ అంతా కూడా అనుష్క, గుణశేఖర్‌లకు చెందుతుందని బన్నీ చెప్పుకొచ్చాడు.
ఈ సక్సెస్‌మీట్‌లో కృష్ణంరాజు, ప్రకాష్‌ రాజ్‌, దిల్‌రాజు పలువురు చిత్ర యూనిట్‌ సభ్యులు పాల్గొన్నారు.
