స్టైలిష్ స్టార్ అల్లు అర్జున్ నటిస్తోన్న తాజా చిత్రం అల వైకుంఠపురములో రేపు ప్రపంచవ్యాప్తంగా రిలీజ్ కానున్న విషయం తెలిసిందే.ఈ సినిమాను అత్యంత గ్రాండ్గా రిలీజ్ చేసేందుకు చిత్ర యూనిట్ రెడీ అయ్యింది.
మాటల మాంత్రికుడు త్రివిక్రమ్ తెరకెక్కిస్తున్న ఈ సినిమాతో బన్నీ బాక్సాఫీస్ గూబ గుయ్యిమనేలా సౌండ్ చేయడం ఖాయమని చిత్ర యూనిట్ అంటోంది.
అయితే ఈ సినిమా తరువాత బన్నీ సుకుమార్ దర్శకత్వంలో తెరకెక్కుతున్న సినిమాలో నటిస్తున్నాడు.
ఈ సినిమాలో బన్నీ పాత్రపై అనేక వార్తలు సోషల్ మీడియాలో షికారు చేస్తున్నాయి.ఈ సినిమాలో బన్నీ స్మగ్లింగ్ చేస్తూ కనిపిస్తాడని వార్త హల్ చేస్తోంది.
అయితే తాజాగా బన్నీ ఈ సినిమాలో లారీ డ్రైవర్ పాత్రలో నటిస్తాడని, ఆయన చాలా రఫ్ పాత్రలో నటిస్తాడని తెలుస్తోంది.గతంలో లారీ డ్రైవర్ అనే సినిమాలో బాలయ్య అదరగొట్టిన సంగతి తెలిసిందే.
ఇక ఈ సినిమాలో బన్నీ లుక్ ఎలా ఉంటుందో అనే ఆసక్తి అప్పుడే ప్రేక్షకుల్లో మొదలైంది.అల వైకుంఠపురములో సినిమాలో క్లాస్ లుక్తో అదరగొట్టేందుకు రెడీ అయిన బన్నీ సుకుమార్ సినిమాలో రఫ్ లుక్లో ఎలా మెప్పిస్తాడో చూడాలి అంటున్నారు సినీ జనం.ఏదేమైనా ఈ సినిమాపై అప్పుడే ఇండస్ట్రీలో అంచనాలు మొదలయ్యాయి.