ఎనిమిది సంవత్సరాలు సక్సెస్ కోసం కళ్లు కాయలు కాచేలా ఎదురుచూస్తున్న అల్లరి నరేష్ కు నాంది సినిమా రూపంలో సక్సెస్ దక్కింది.అన్ని వర్గాల ప్రేక్షకుల నుంచి ఈ సినిమాకు పాజిటివ్ టాక్ రావడంతో పాటు ఇప్పటివరకు కామెడీ పాత్రలకే పరిమితమైన నరేష్ ఇలాంటి అభినయానికి ప్రాధాన్యత ఉన్న పాత్రల్లో కూడా నటించాలని నెటిజన్లు సూచిస్తున్నారు.
అయితే ఈ సినిమాకు టాక్ కు తగిన స్థాయిలో కలెక్షన్లు రాకపోవడం గమనార్హం.
నాంది సినిమా థియేట్రికల్ హక్కులు 2 కోట్ల 70 లక్షల రూపాయలకు అమ్ముడవగా తొలిరోజు 49 లక్షల రూపాయల షేర్ కలెక్షన్లను రాబట్టడం గమనార్హం.
ఫుల్ రన్ లో కనీసం మూడు కోట్ల రూపాయల కలెక్షన్లు సాధిస్తే నాంది సినిమా కమర్షియల్ గా కూడా హిట్ గా నిలుస్తుంది.ఈరోజు, రేపు నాంది మూవీ కలెక్షన్లను బట్టి ఈ సినిమా ఫలితంపై ఒక అంచనాకు రావచ్చు.
క్రిటిక్స్ నుంచి పాజిటివ్ రివ్యూలను పొందిన నాంది నరేష్ కెరీర్ కు ప్లస్ అయిందనే చెప్పాలి.
గత కొన్నేళ్లుగా రొటీన్ కామెడీ సినిమాలతో వరుస ఫ్లాపులు చవిచూసిన నరేష్ మహర్షి సినిమాలో మహేష్ ఫ్రెండ్ పాత్రలో నటించి సీరియస్ రోల్ లో మెప్పించారు.ఆ సినిమా తరువాత పూర్తిస్థాయి సీరియస్ రోల్ లో నాంది సినిమాలో నటించి మరో కమర్షియల్ సక్సెస్ ను తన ఖాతాలో వేసుకున్నారు.నాంది సినిమా నైజాం ఏరియాలో 18 లక్షల రూపాయలు, సీడెడ్ లో 6 లక్షల రూపాయలు, మిగిలిన ఏరియాల్లో 23.5 లక్షల రూపాయల కలెక్షన్లను సాధించింది.
ఈ సినిమా తరువాత నరేష్ ఎలాంటి కథలను ఎంచుకుంటుంటారో చూడాల్సి ఉంది.
ఈ సినిమా ద్వారా ప్రేక్షకులకు 211 అనే సెక్షన్ ను ప్రేక్షకులకు నరేష్ పరిచయం చేశారు.ఈ సినిమాలో లాయర్ పాత్రలో నటించిన వరలక్ష్మి శరత్ కుమార్ కు కూడా నెటిజన్ల నుంచి ప్రశంసలు దక్కుతున్నాయి.
తెలుగు వార్త విశేషాలు సులభముగా తెలుసుకోండి!!!!
