దర్శక దిగ్గజం రాజమౌళి ప్రస్తుతం ఆర్ఆర్ఆర్ సినిమా తెరకెక్కిస్తున్న సంగతి తెలిసిందే.ఈ సినిమాలో ఎన్ఠీఆర్ పాత్రని కొమరాం భీం స్ఫూర్తిగా తీసుకొని డిజైన్ చేసినట్లు గతంలో ప్రకటించాడు.
అయితే తాజాగా టీజర్ లో అతనిని ఒక ముస్లిం యువకుడుగా రిప్రజెంట్ చేయడంతో కాస్తా వివాదం రేగుతుంది.అయితే ఇది పూర్తి స్థాయి కల్పిత కథ అని, ఒరిజినల్ కథకి తన కథకి ఏమాత్రం సంబంధం లేదని, కేవలం పాత్రలని స్ఫూర్తిగా తీసుకొని తాను రాసుకున్న కల్పిత కథ అని గతంలో రాజమౌళి క్లారిటీ ఇచ్చేశాడు.
అయినా కూడా అల్లూరి, కొమరాం భీమ్ ని అభిమానించే ఆదివాసీ సంఘాలు కొంత హడావిడి చేస్తున్నాయి.ఇదిలా ఉంటే ఇప్పుడు ఆర్ఆర్ఆర్ సంగతి పక్కన పెడితే భీమ్ జీవిత చరిత్ర ఆధారంగా 1990లో అల్లాని శ్రీధర్ కొమరాం భీమ్ అనే సినిమాను తెరకెక్కించాడు.
అప్పట్లో ఆ సినిమాకి నంది అవార్డు కూడా వచ్చింది.ఇప్పుడు కొమరాం భీమ్ కథతో ఒక సినిమాను తెరకెక్కించేందుకు రెడీ అవుతున్నారు.
హిందీ ప్రేక్షకుల ముందుకు ఈ సినిమాను తీసుకు వెళ్లేందుకు గాను ఏర్పాట్లు జరుగుతున్నాయి.దర్శకుడు అల్లాని శ్రీధర్ మరోసారి కొమరాం భీమ్ సినిమాను తెరకెక్కించబోతున్నట్లుగా పేర్కొన్నాడు.
ఈ సారి పాన్ఇండియా రేంజ్ లో ఈ సినిమాని ఆవిష్కరించబోతున్నట్లు స్పష్టం చేశాడు.భీమ్ పోరాటం, జీవిత విశేషాలు ప్రతి ఒక్కరికి చేరవేయాలనే ఉద్దేశ్యంతో మరోసారి ఈ సినిమాని పాన్ ఇండియా రేంజ్ లో ఆవిష్కరించబోతున్నట్లుగా చెప్పారు.
త్వరలో దీనికి సంబందించిన అన్ని వివరాలు తెలియజేస్తామని అన్నారు.
