బుల్లితెర రియాలిటీ షో బిగ్ బాస్ షోకు తెలుగులో సీజన్ 1కు జూనియర్ ఎన్టీఆర్ హోస్ట్ గా వ్యవహరించగా, సీజన్ 2కు నాని, సీజన్ 3కు అక్కినేని నాగార్జున హోస్ట్ లుగా వ్యవహరించారు.సీజన్ 4కు బిగ్ బాస్ నిర్వాహకులు నాగార్జునను సంప్రదించగా సీజన్ 4కు కూడా ఆయనే హోస్ట్ గా వ్యవహరిస్తున్నారు.
అయితే బిగ్ బాస్ విషయంలో నాగార్జున తీవ్ర అసంతృప్తికి గురవుతున్నారని.ఈ షో చేస్తున్నందుకు ఆయన హ్యాపీగా లేరని సోషల్ మీడియాలో వార్తలు వైరల్ అవుతున్నాయి.
నాగార్జున బిగ్ బాస్ విషయంలో అసంతృప్తితో ఉండటానికి చాలా కారణాలు ఉన్నాయి.కరోనా, లాక్ డౌన్ నిబంధనల వల్ల చాలామంది సీనియర్ స్టార్ హీరోలు షూటింగ్ లకు దూరంగా ఉన్నారు.
అయినప్పటికీ నాగార్జున మాత్రం ధైర్యంగా బిగ్ బాస్ షో చేయడానికి ముందుకొచ్చారు.తొలిరోజు 18.5 టీఆర్పీ రేటింగ్ తో గత సీజన్ల లాంఛింగ్ ఎపిసోడ్ల టీఆర్పీ రేటింగ్ లను క్రాస్ చేసి బుల్లితెరపై సత్తా చాటారు.
అయితే బిగ్ బాస్ షో రేటింగ్స్ ప్రతివారం అంతకంతకూ తగ్గుతున్నాయి.
స్టార్ మా ఛానెల్ లో కొన్ని సీరియళ్లు అందుకున్న రేటింగ్ లలో బిగ్ బాస్ షోకు సగం రేటింగ్ కూడా రావడం లేదు.వీకెండ్ ఎపిసోడ్స్ రేటింగ్ కు వీక్ డేస్ ఎపిసోడ్ రేటింగ్ కు పొంతనే లేకపోవడం నాగార్జున అసంతృప్తికి కారణమని తెలుస్తోంది.
మరోవైపు కుమార్ సాయి ఎలిమినేట్ అయిన సమయంలో కొందరు నెటిజన్లు నాగార్జునను ట్రోల్ చేశారు.
ఈ ట్రోలింగ్ కూడా నాగార్జునను బాధించిందని ప్రచారం జరుగుతోంది.
బిగ్ బాస్ నిర్వాహకులకు ఇప్పటికే షోకు సంబంధించి నాగార్జున కీలక సూచనలు చేశాడని సమాచారం.మరోవైపు వైల్డ్ డాగ్ షూటింగ్ కోసం మనాలీ వెళ్లిన నాగార్జున ఈ వారం మాత్రం బిగ్ బాస్ వీకెండ్ ఎపిసోడ్లకు హాజరు కారని తెలుస్తోంది.
