అక్కినేని అఖిల్ నటిస్తున్న లేటెస్ట్ మూవీ మోస్ట్ ఎలిజిబుల్ బ్యాచ్‌లర్ చిత్రం వేసవి కానుకగా రిలీజ్ కావాల్సి ఉంది.కానీ ప్రస్తుతం నెలకొన్న లాక్‌డౌన్ వల్ల ఈ సినిమా షూటింగ్ కొంచెం మిగిలిపోయింది.
కాగా ఈ సినిమాను బొమ్మరిల్లు భాస్కర్ డైరెక్ట్ చేస్తుండటంతో ఈ సినిమాపై ఇండస్ట్రీ వర్గాల్లో అంచనాలు బాగానే క్రియేట్ అయ్యాయి.ఇక ఈ సినిమాలో అందాల భామ పూజా హెగ్డే హీరోయిన్‌గా నటిస్తుండటంతో ఈ సినిమా ఎలా ఉండబోతుందా అనే ఆసక్తి నెలకొంది.
అయితే ఈ సినిమా ఔట్‌పుట్‌ను అక్కినేని నాగార్జున చూశాడని, ఆయనకు సినిమా రషెస్ పెద్దగా నచ్చలేదంటూ సోషల్ మీడియాలో వార్తలు చక్కర్లు కొడుతున్నాయి.బొమ్మరిల్లు భాస్కర్ అనుకున్న స్థాయిలో సినిమాను తెరకెక్కించలేదని, సినిమాలో కొన్ని సీన్స్ రీ-షూట్ చేయాలని నాగ్ కోరినట్లు వార్తలు వినిపిస్తున్నాయి.
అయితే ఈ వార్తల్లో ఎలాంటి నిజం లేదని భాస్కర్ తేల్చేశాడు.మోస్ట్ ఎలిజిబుల్ బ్యాచ్‌లర్ చిత్రం అనుకున్నట్లుగానే చాలా బాగా వచ్చిందని, చిత్ర యూనిట్ ఈ సినిమా ఔట్‌పుట్‌తో చాలా సంతోషంగా ఉన్నారని ఆయన తెలిపాడు.
భాస్కర్ పనితనం పట్ల నాగ్ చాలా సంతోషంగా ఉన్నాడట.సినిమాను చాలా పర్ఫెక్ట్‌గా తీర్చిదిద్దడంలో భాస్కర్ తన ప్రతిభను మరోసారి నిరూపించుకున్నట్లు నాగ్ కితాబిచ్చాడు.
ఇక రొమాంటిక్ ఎంటర్‌టైనర్‌గా వస్తున్న ఈ సినిమాను చాలా వైవిధ్యంగా ప్రేక్షకుల ముందుకు తీసుకువచ్చేందుకు భాస్కర్ అండ్ టీమ్ రెడీ అవుతున్నారు.ఈ సినిమాతో అటు అఖిల్, ఇటు భాస్కర్ ఖచ్చితంగా హిట్ కొట్టాలనే కసితో ఉన్నారు.
