తమిళ స్టార్ హీరో సూర్య నటించిన సూరరై పోట్రు సినిమాను తెలుగులో ఆకాశమే నీ హద్దురా అనే టైటిల్ తో డబ్బింగ్ చేసి తమిళం మరియు తెలుగులో ఒకేసారి విడుదల చేయబోతున్న విషయం తెలిసిందే.సమ్మర్ లోనే ఈ సినిమా విడుదల అవ్వాల్సి ఉన్నా కరోనా కారణంగా సినిమాను ఇప్పటి వరకు విడుదల చేయలేదు.
ఇటీవలే ఈ సినిమాను ప్రముఖ డిజిటల్ ఫ్లాట్ఫామ్ అయినా అమెజాన్ ప్రైమ్ ద్వారా విడుదల చేయబోతున్నట్లు గా మేకర్స్ ప్రకటించారు.వచ్చే నెలలో సినిమాను విడుదల చేయాల్సి ఉంది.
ఈ లోపు కేంద్ర ప్రభుత్వం కొన్ని మార్గదర్శకాలు జారీ చేసి థియేటర్ల అన్ లాక్ కు గ్రీన్ సిగ్నల్ ఇచ్చింది.థియేటర్లను ఈ నెల 15 వ తారీకు నుండి ఓపెన్ చేసుకునేందుకు గాను అనుమతులు ఇవ్వడంతో అంతా కూడా అందుకు సంబంధించిన ఏర్పాటు చేస్తున్నారు.
ఇప్పటికే కొన్ని సినిమాలు ఓటీటీకి వెళ్ళాలనుకున్నా థియేటర్ల రీ ఓపెన్ కారణంగా ఆ నిర్ణయాన్ని ఉపసంహరించుకున్నట్లు గా తెలుస్తోంది.ఇదే సమయంలో ఆకాశమే నీ హద్దురా సినిమాను కూడా ఓటీటీలో కాకుండా థియేటర్లలో విడుదల చేయాలనే నిర్ణయానికి వచ్చారని.
ఓటీటీ ప్లాట్ ఫామ్ అమెజాన్ వారితో చేసుకున్న ఒప్పందంను రద్దు చేసుకున్నారని వార్తలు వచ్చాయి.కానీ ఆ వార్తలు నిజం కాదని చిత్ర యూనిట్ సభ్యులు అధికారికంగా క్లారిటీ ఇచ్చారు.
తమ సినిమాను ముందు నుంచి చెబుతున్నట్లుగా అమెజాన్ ప్రైమ్ ద్వారా మీ ముందుకు తీసుకురాబోతున్నాము అంటూ యూనిట్ సభ్యులు పేర్కొన్నారు.అమెజాన్ ప్రైమ్ ద్వారా ఎక్కువ మంది ప్రేక్షకులకు ఈ సినిమా రీచ్ చేయాలని తాము భావిస్తున్నట్లు గా పేర్కొన్నారు.
ఈ సినిమాకు తెలుగు దర్శకురాలు సుధ కొంగర దర్శకత్వం వహించిన విషయం తెలిసిందే.