టాలీవుడ్ ప్రెస్టీజియస్ మల్టీస్టారర్ మూవీ ఆర్ఆర్ఆర్ కోసం కేవలం తెలుగు ప్రేక్షకులే కాకుండా యావత్ ఇండియన్ సినిమా లవర్స్ ఎంతో ఆసక్తిగా ఎదురుచూస్తున్నారు.బాహుబలి దర్శకుడు రాజమౌళి తెరకెక్కిస్తున్న సినిమా కావడంతో పాన్ ఇండియా వైడ్గా ఈ సినిమా ఎలాంటి సెన్సేషన్ క్రియేట్ చేస్తుందా అని అందరూ ఆతృతగా చూస్తున్నారు.
ఇక ఈ సినిమాతో మరోసారి ఇండియన్ బాక్సాఫీస్ను జక్కన్న షేక్ చేయడం ఖాయమని చిత్ర వర్గాలు అంటున్నాయి.ఈ సినిమాలో మెగా పవర్ స్టార్ రామ్ చరణ్, యంగ్ టైగర్ ఎన్టీఆర్లు హీరోలుగా నటిస్తుండగా, బాలీవుడ్ నటుడు అజయ్ దేవ్గన్ ఓ కీలక పాత్రలో నటిస్తున్నాడు.
అయితే ఈ సినిమాలో అజయ్ దేవ్గన్ పాత్రకు సంబంధించి కేవలం ఫస్ట్ లుక్ పోస్టర్ను మాత్రమే చిత్ర యూనిట్ రిలీజ్ చేసింది.ఆయన పాత్ర ఈ సినిమాలో ఎలా ఉండబోతుందా, అసలు ఆయన ఈ సినిమాలో ఎప్పుడు కనిపిస్తాడా అనే ప్రశ్నలు ప్రేక్షకుల్లో నెలకొన్నాయి.
అయితే ఈ సినిమాలో అజయ్ దేవ్గన్ పాత్ర ఫ్లాష్బ్యాక్ ఎపిసోడ్లో రానందని, ఆయన పాత్ర ఈ సినిమాకు చాలా కీలకంగా ఉండబోతుందని చిత్ర వర్గాలు అంటున్నాయి.ఆయన పాత్ర ఇద్దరు హీరోలు కలిసేందుకు స్పూర్తినిస్తుందని, చిత్ర వర్గాలు అంటున్నాయి.
కాగా ఈ సినిమాలో ఆయన పర్ఫార్మెన్స్ ప్రేక్షకులను కట్టిపడేసే విధంగా ఉంటుందని చిత్ర యూనిట్ పేర్కొంది.
ఇక అల్లూరి రామరాజుగా చరణ్, కొమురం భీంగా తారక్ల పర్ఫార్మెన్స్ మరో లెవెల్లో ఉండనుందని చిత్ర యూనిట్ అంటోంది.
ఈ సినిమాలో చరణ్ సరసన అందాల భామ ఆలియా భట్ నటిస్తుండగా, తారక్ సరసన ఒలివియా మారిస్ నటిస్తోంది.ఈ సినిమాకు ఎంఎం కీరవాణి సంగీతం అందిస్తుండగా, డివివి దానయ్య ఈ సినిమాను అత్యంత భారీ బడ్జెట్తో ప్రొడ్యూస్ చేస్తున్నాడు.
మరి ఈ సినిమాలో అజయ్ దేవ్గన్ పాత్రకు ఎలాంటి రెస్పాన్స్ దక్కుతుందో తెలియాలంటే ఈ సినిమా రిలీజ్ అయ్యే వరకు వెయిట్ చేయాల్సిందే.