టాలీవుడ్ రౌడీ స్టార్ విజయ్ దేవరకొండ నటిస్తున్న తాజా చిత్రం వరల్డ్ ఫేమస్ లవర్ ప్రస్తుతం రిలీజ్‌కు రెడీ అవుతోంది.ప్రేమికుల రోజున ఈ సినిమాను ప్రపంచ వ్యాప్తంగా రిలీజ్ చేసేందుకు చిత్ర యూనిట్ రెడీ అయ్యింది.
విజయ్ సరికొత్త పాత్రలో నటిస్తున్న ఈ సినిమాలో ఏకంగా నలుగురు హీరోయిన్లు నటిస్తుండటంతో ఈ సినిమా ప్రేక్షకుల్లో అంచనాలను క్రియేట్ చేసింది.
ఇక ఈ సినిమాలో ఓ హీరోయిన్‌గా నటిస్తోన్న తమిళ బ్యూటీ ఐశ్వర్య రాజేష్, విజయ్ దేవరకొండ ప్రవర్తనపై పలు ఆసక్తికరమైన కామెంట్స్ చేసింది.
ఇటీవల తెలుగులో కౌసల్యా కృష్ణమూరి చిత్రంతో ప్రేక్షకులను ఆకట్టుకున్న ఈ బ్యూటీ, విజయ్ దేవరకొండ నటనకు బాగా ఇంప్రెస్ అయ్యిందట.ఆయన సెట్స్‌పై తోటి ఆర్టిస్టులతో ప్రవర్తించే తీరును చాలా బాగుంటుందని ఆమె విజయ్‌ను ఆకాశానికెత్తింది.
ఏదేమైనా విజయ్ సరసన హీరోయిన్‌గా నటించిన ఐశ్వర్య రాజేష్, ఈ సినిమాలో ఓ ఇల్లాలి పాత్రలో నటిస్తోంది.ఈ సినిమా తన కెరీర్‌లో మంచి సినిమాగా నిలుస్తుందని ఆమె ధీమా వ్యక్తం చేసింది.
క్రాంతి మాధవ్ డైరెక్ట్ చేస్తున్న ఈ సినిమాలో రాశి ఖన్నా, కేథరిన్ త్రేసా మిగతా హీరోయిన్లుగా నటిస్తున్నారు.ఈ సినిమాను ఫిబ్రవరి 14న రిలీజ్ చేసేందుకు రెడీ అవుతున్నారు చిత్ర యూనిట్.
