డార్లింగ్ ప్రభాస్ హీరోగా రాధాకృష్ణ దర్శకత్వంలో పూజా హెగ్డే హీరోయిన్ గా రాధేశ్యామ్ సినిమా తెరకెక్కుతున్న సంగతి తెలిసింది.ఇది పీరియాడికల్ నేపధ్యంలో ఉండే ప్రేమకథా చిత్రం.
ఈ సినిమా మీద ఇప్పటికే భారీ అంచనాలు నెలకొని ఉన్నాయి.పారిస్ నేపధ్యంలో చిత్ర కథ నడుస్తుందని తెలుస్తుంది.
ఇక ఈ సినిమా మెజారిటీ షూటింగ్ ఇప్పటికే కంప్లీట్ అయిపొయింది.మిగిలిన మొత్తం హైదేరాబద్ లో ప్రత్యేకమైన ఫారిన్ సెట్ వేసి షూట్ చేయడానికి రెడీ అవుతున్నారు.
సినిమాలో ప్రభాస్ తల్లిగా ఒకప్పటి క్రేజీ హీరోయిన్ భాగ్యశ్రీ నటిస్తుంది.ఇక ఈ సినిమాలో సాంగ్స్ చిత్రీకరణ కూడా మిగిలి ఉంది.
ఇదిలా ఉంటే ఈ సినిమాకి సంబందించిన ఓ క్రేజీ న్యూస్ టాలీవుడ్ లో సంచలనంగా మారింది.
రాధేశ్యామ్ సినిమాలో ఓ ప్రత్యేకమైన గీతంలో ప్రపంచ సుందరి ఐశ్వర్య రాయ్ నర్థించబోతున్నట్లు టాక్ వినిపిస్తుంది.
ఈ సాంగ్ కోసం ఆమెకి పెద్ద మొత్తంలో రెమ్యునరేషన్ కూడా ఇస్తున్నారని తెలుస్తుంది.పాత ఐటెం సాంగ్ తరహాలో కాకుండా చాలా స్పెషల్ గా ఉంటుందని, పాతకాలం సాంగ్స్ తరహాలో చాలా ట్రెడిషనల్ గా డాన్స్ బేస్ చేసుకొని ఉంటుందని చెప్పుకుంటున్నారు.
ఇక ఈ సాంగ్ చేయడానికి ఆమె కూడా ఒకే చెప్పిందని టాక్ వినిపిస్తుంది.గతంలో నాగార్జున సినిమాలో ఐశ్వర్య రాయ్ ఓ ఐటెం సాంగ్ చేసింది.తరువాత తెలుగు సినిమా వైపు చూడలేదు.అయితే ఇప్పుడు ప్రభాస్ సినిమా కోసం ఆమె ఐటెం సాంగ్ చేయడానికి ఒకే చెప్పినట్లు సమాచారం.
