మంచు మనోజ్ హీరోగా తాజాగా అహం బ్రహ్మా్స్మి అనే సినిమా రూపొందుతున్న విషయం తెలిసిందే.ఈ సినిమాను తాజాగా మెగా పవర్ స్టార్ రామ్ చరణ్ క్లాప్ కొట్టి ప్రారంభించిన సంగతి కూడా విదితమే.
ఇక ఈ సినిమాతో మళ్లీ సక్సెస్ ట్రాక్ ఎక్కేందుకు రెడీ అయ్యాడు.ఇక ఈ సినిమాలో మనోజ్ మూడు విభిన్నమైన షేడ్స్‌లో కనిపిస్తాడని చిత్ర ఫస్ట్ లుక్ పోస్టర్ చూస్తే తెలుస్తోంది.
కాగా ఈ సినిమా షూటింగ్‌లో తొలి షెడ్యూల్‌తోనే అందరినీ ఆశ్చర్యానికి గురయ్యేలా చేస్తున్నాడు మనోజ్.ఈ సినిమా తొలి షెడ్యూల్ ఏకంగా నెలరోజుల పాటు ఉండనున్నట్లు తెలుస్తోంది.
ఈ షెడ్యూల్‌లో భారీ యాక్షన్ సీక్వెన్స్‌ను చిత్రీకరించేందుకు మనోజ్ రెడీ అవుతున్నాడట.ఈ యాక్షన్ సీక్వెన్స్‌ను ఫైట్ మాస్టర్ పీటర్ హెయిన్స్ డైరెక్ట్ చేయనున్నాడు.
ఈ షెడ్యూల్‌ను మే నెలలో నిరవధికంగా జరిపేందుకు చిత్ర యూనిట్ రెడీ అవుతోంది.జూన్ 6 నాటికి ఈ సినిమా షూటింగ్‌ను ముగించేసి చిత్రాన్ని వీలైనంత త్వరగా రిలీజ్ చేయాలని మనోజ్ ప్లాన్ చేస్తున్నాడు.
ఇక ఈ సినిమాను శ్రీకాంత్ రెడ్డి డైరెక్ట్ చేస్తుండగా ప్రియా భవానీ శంకర్ హీరోయిన్‌గా నటిస్తోంది.మరి ఈ సినిమాతో మనోజ్ ఎలాంటి హిట్ కొడతాడో చూడాలి.
