అమెరికాలో ఓ రెస్టారెంట్ లో పని చేసే మహిళకి ఊహించని బహుమతి అందింది.ఎంతో కష్టపడి రోజుకి సుమారు 22 కిలోమీటర్లు నడుచుకుంటూ హోటల్ లో పని చేయడానికి వస్తున్న ఓ మహిళకి ఓ జంట కారుని గిఫ్ట్ గా ఇచ్చింది.
దాంతో షాక్ కి లోనయిన ఆమె పట్టలేని సంతోషంతో ఈ విషయాన్ని సోషల్ మీడియాలో తెలిపింది.వివరాలలోకి వెళ్తే.
టెక్సాస్ లోని గెల్వేస్టర్ లో ని ఒక హోటల్ లో మహిళా వెయిటర్ పనిచేస్తోంది.ఆమె పేరు ఎడ్రియాన్ ఎడ్వర్డ్.
ఆమె అమెరికన్ రెస్టారెంట్ చైన్ డెనీస్ లో ఆమె విధులు నిర్వరిస్తోంది.ఈమె ఆమె ఉంటున్న ప్రాంతం నుంచీ ఈ హోటల్ లో పనిచేయడానికి 22 కిలోమీటర్లు కాలినడక వస్తూ ఉంటుంది.అయితే
అదే హోటల్ కి తరుచు వచ్చే ఓ జంట ఈ విషయం తెలుసుకుని ఆమె ఇబ్బందులు పడకుండా ఉండటానికి ఓ కారుని బహుమతిగా ఇచ్చారు.అంతేకాదు ఆ కారుతో పాటు కొంత డబ్బునికూడా ఆమె ఖాతాలో జమచేసి ఖర్చులకి ఉంచమని ఇక నుంచీ కారులో రెస్టారెంట్ కి వెళ్ళమని చెప్పారు.
ఈ ఊహించని ఘటనతో ఆమె షాక్ అయ్యి వారికి కృతజ్ఞతలు తెలిపింది.ఇదే విషయాన్ని సోషల్ మీడియాలో పోస్ట్ చేయడంతో నెటిజన్లు ఆ బహుమతి ఇచ్చిన జంటని పొగడ్తలతో ముంచెత్తుతున్నారు.