యంగ్ హీరో నితిన్ ఇటీవల భీష్మ అనే సినిమాతో అదిరిపోయే సక్సెస్ అందుకున్నాడు.పూర్తి కామెడీ ఎంటర్టైనర్గా తెరకెక్కిన ఈ సినిమాలో నితిన్ పర్ఫార్మెన్స్కు ప్రేక్షకులు మంచి మార్కులు వేశారు.
దీంతో ఈ సినిమా నితిన్ కెరీర్లో మంచి విజయాన్ని అందుకున్న చిత్రంగా నిలిచింది.ఇక ఈ సినిమా తరువాత రంగ్దే అనే సినిమాలో నితిన్ నటిస్తున్నాడు.
ఈ సినిమా షూటింగ్ ఇప్పటికే జరుపుకుంటోన్న సంగతి తెలిసిందే.
కాగా ఈ సినిమా పూర్తికాకముందే మరో సినిమాను ఓకే చేశాడు నితిన్.
బాలీవుడ్లో సూపర్ సక్సెస్ అయిన ‘అంధాధున్’ అనే సినిమాను తెలుగులో రీమేక్ చేసేందుకు దర్శకుడు మేర్లపాక గాంధీ రెడీ అవుతున్నాడు.కాగా ఈ సినిమాలో నితిన్ సరసన హీరోయిన్గా కీర్తి సురేష్ను తొలుత అనుకున్నారు.
కానీ ఆమె ఈ సినిమాలోని ముద్దు సీన్స్ కారణంగా సినిమా నుండి తప్పుకుంది.దీంతో వెంటనే మరో బ్యూటీ ప్రియాంక మోహన్ను ఈ సినిమాలో తీసుకోవాలని నితిన్ ప్రయత్నించాడు.
కానీ ఆమె కూడా ఈ సినిమాను రిజెక్ట్ చేసినట్లు తెలుస్తోంది.
బాలీవుడ్లో ఘాటైన లిప్ లాక్ సీన్స్కు అక్కడి ప్రేక్షకులు అలవాటు పడ్డారు.
కానీ తెలుగులో అంత ఘాటు సీన్స్ను చేసేందుకు ఏ హీరోయిన్ కూడా ముందు రావడం లేదు.దీంతో ఈ సినిమాలో నటించేందుకు ఎవరు ముందుకు వస్తారా అని అందరూ ఆసక్తిగా ఎదురుచూస్తున్నారు.
మొత్తానికి అంధాధున్ రీమేక్ గురించి విన్నా, నితిన్ పేరు విన్నా హీరోయిన్లు పారిపోతున్నారంటే ఈ సినిమాలో ఇంటిమేట్ సీన్స్ ఏ రేంజ్లో ఉంటాయో అర్ధం చేసుకోవచ్చు.