సురేందర్ రెడ్డి దర్శకత్వం వహించిన కిక్ సినిమాలో ప్రధాన పాత్రలో నటించిన కిక్ శ్యామ్ ను పోలీసులు అరెస్ట్ చేశారు.చెన్నైలోని కోడంబాక్కంలో పోకర్ క్లబ్ నిర్వహిస్తున్న శ్యామ్ గ్యాంబ్లింగ్ కి పాల్పడుతున్నట్టు పోలీసులు గుర్తించారు.అయితే అతనికి ఎటువంటి అనుమతులు లేకపోయినప్పటికీ పేకాట, బెట్టింగులు నిర్వహిస్తుండటంతో కేసు నమోదు చేశారు.
2001లో మోడల్ గా కెరీర్ ప్రారంభించి పలు సినిమాల్లో నటించినప్పటికీ 2009 లో విడుదల అయినా కిక్ సినిమా అతడి కెరీర్ ని మలుపు తిప్పింది.తెలుగు, తమిళ, కన్నడ చిత్రాల్లో నటిస్తూ శామ్ బిజిగా మారాడు.తెలుగులో ఎక్కువ సురేందర్ రెడ్డి సినిమాల్లోనే ప్రత్యేకమైన పాత్రల్లో నటించాడు.కిక్, ఊసరవెల్లి ,రేసుగుర్రం, కిక్- 2 వంటి సినిమాల్లో నటించాడు.
కిక్ సినిమాతో అతని కెరీర్ మలుపు తిరగడంతో అప్పటి నుండి అతడి పేరు కూడా కిక్ శ్యామ్ గా మారింది.కాగా శ్యామ్ పూర్తి పేరు మొహమ్మద్ షమ్‌షుద్దీన్ ఇబ్రహీం.పలు సినిమాల్లో మంచి నటనతో తెలుగు ప్రేక్షకులకు బాగా దగ్గరయ్యాడు.
ఎక్కువగా పోలీసు పాత్రల్లో కనిపించి అందరిని అలరించాడు.
తెలుగు వార్త విశేషాలు సులభముగా తెలుసుకోండి!!!!
