టీవీ 9 షేర్లు కొనుగోలు విషయంలో ఆరోపణలు ఎదురుకొంటున్న నటుడు శివాజీ అరెస్ట్ అయినట్లు తెలుస్తుంది.శంషాబాద్ ఎయిర్ పోర్టు లో శివాజీ ని సైబరాబాద్ పోలీసులు అదుపులోకి తీసుకున్నట్లు తెలుస్తుంది.
టీవీ 9 షేర్లు కొనుగోలు,బోగస్ పత్రాలు వంటి పలు ఆరోపణల నేపథ్యంలో నటుడు శివాజీ పై అలానే టీవీ 9 మాజీ సీఈఓ రవి ప్రకాష్ పై అలందా మీడియా పోలీసులకు ఫిర్యాదు చేసిన సంగతి తెలిసిందే.దీంతో.
పోలీసులు శివాజీ తో పాటు రవిప్రకాష్ కు కూడా లుకౌట్ నోటీసులు జారీ చేశారు.అయితే రవి ప్రకాష్ విచారణకు హాజరయ్యారు కానీ శివాజీ మాత్రం పలు సార్లు నోటీసులు జారీ చేసినా ఇప్పటివరకు విచారణకు హాజరుకాలేదు.
అయితే బుధవారం ఆయన శంషాబాద్ ఎయిర్ పోర్ట్ నుంచి అమెరికా వెళ్లేందుకు ప్రయత్నిస్తుండగా ఇమ్మిగ్రేషన్ అధికారులు పోలీసులకు సమాచారం అందించడం తో హుటాహుటిన అక్కడకు చేరుకున్న సైబరాబాద్ పోలీసులు శంషాబాద్ ఎయిర్పోర్టులో ఆయనను అదుపులోకి తీసుకున్నారు.ప్రస్తుతం ఆయనను పీఎస్లో విచారిస్తున్నట్లు తెలుస్తోంది.