నకిలీ ఐటీ అధికారుల వలలో చిక్కిన నగల షాప్ ఓనర్.. రెండున్నర కిలోల బంగారంతో పరార్..!

హర్ష జ్యువెలర్స్ షాప్ యజమాని వెంటనే మోండా మార్కెట్ పోలీస్ స్టేషన్ కు వెళ్లి ఫిర్యాదు చేశాడు.వెంటనే పోలీసులు కేసు నమోదు చేసి సీసీటీవీ పుటేజీల ఆధారంగా దర్యాప్తు ప్రారంభించారు.సీసీ కెమెరాలను పరిశీలించగా నలుగురు వ్యక్తులు అచ్చం ఐటీ అధికారుల మాదిరిగానే ప్రవర్తిస్తూ ఎక్కడ కూడా తమపై చిన్న అనుమానం రాకుండా షాప్ యజమానితో పాటు పనిచేసే సిబ్బందిని నమ్మించి, సిబ్బందిని ఒక మూలన కూర్చోబెట్టి తనిఖీ చేస్తున్నట్లు నాటకం ఆడి దొంగతనం చేసినట్లు కెమెరాలలో రికార్డు అయింది.దొంగతనం చేసిన నలుగురు నిందితులు సికింద్రాబాద్ నుంచి ఉప్పల్ వైపు వెళ్లినట్లు పోలీసులు గుర్తించారు.

నిందితులను పట్టుకునేందుకు పోలీసులు ఆరు ప్రత్యేక బృందాలను ఏర్పాటు చేసి నగరం అంతా గాలింపు చర్యలు చేపట్టారు.