మనదేశంలో పలు రహస్యమయ ప్రదేశాలు ఉన్నాయి.వాటిలో ఒక రహస్య ప్రదేశం గురించి ఇప్పుడు తెలుసుకుందాం.
ఇక్కడ పెట్రోల్-డీజిల్ అవసరం లేకుండా వాహనాలు నడుస్తాయి.అది లడఖ్లోని లేహ్ ప్రాంతంలో ఉంది.
ఇక్కడి రోడ్డుపై కారు దానంతటదే ముందుకు కదులుతుంది.అంతేకాదు ఎవరైనా వారి కారును ఈ ప్రాంతంలో పార్క్ చేస్తే, ఇక ఆ కారు గురించి ఆలోచించాల్సిన అవసరం లేదు.
దీని వెనుకనున్న మిస్టరీ ఈనాటికీ వీడలేదు.శాస్త్రవేత్తలు తెలిపిన వివరాల ప్రకారం ఈ పర్వత ప్రాంతంలో ఒక అయస్కాంత శక్తి ఉంది.
ఇది గంటకు 20 కిలోమీటర్ల వేగంతో వాహనాలను తన వైపునకు లాగుతుంది.అందుకే దీనిని అయస్కాంత కొండ అని అంటారు.
ఈ కొండపై అయస్కాంత ప్రభావం ఎంతగా ఉందంటే.పైభాగంలో ఎగురుతున్న విమానాలపై కూడా ప్రభావం పడుతున్నదని తెలిస్తే ఆశ్చర్యపోతారు.
ఇక్కడి నుంచి టేకాఫ్ అవుతున్నప్పుడు విమానాల్లో ప్రకంపనలు వచ్చినట్లు పలువురు పైలట్లు పేర్కొన్నారు.ఈ అయస్కాంత కొండను గ్రావిటీ హిల్ అని కూడా అంటారు.
ఈ కొండపై లా ఆఫ్ గ్రావిటీ ఫెయిల్ అవుతుందని చెబుతారు.గురుత్వాకర్షణ నియమం ప్రకారం.
మనం ఒక వస్తువును వాలుగా వున్న ప్రదేశంపై నుంచి వదిలివేస్తే, అది కిందకి దొర్లుతుంది.అయితే అయస్కాంత కొండపై దీనికి విరుద్ధంగా జరుగుతుంది.
మరి ఈ మిస్టరీ ఎన్నడు వీడుతుందో చూడాలి.