ఈ మధ్యకాలంలో చిన్న చిన్న గొడవలు ప్రాణాలు తీసేంతవరకు వెళుతున్నాయి.ఇకపోతే తాజాగా ఓ సెల్ ఫోన్ విషయంలో ఇద్దరు స్నేహితుల మధ్య జరిగిన చిన్న గొడవ చివరకు హత్యకు దారి తీసేలా చేసింది.
హైదరాబాద్ మహానగరంలోని సరూర్ నగర్ పోలీస్ స్టేషన్ పరిధిలో ఈ సంఘటన చోటు చేసుకుంది.అయోధ్య నగర్ కు చెందిన రౌడీషీటర్ వినయ్ రక్షా పురానికి చెందిన సందీప్ సంతోష్ వీరందరూ స్నేహితులు.
అయితే ఈ మధ్యకాలంలో సందీప్, వినయ్ ఫ్రెండ్ నుండి దగ్గర నుండి సెల్ ఫోన్ లాగేసుకున్నాడు.ఈ విషయం తెలుసుకున్న వినయ్ ఆ ఫోన్ ఇచ్చేయాలని సందీప్ ను కోరాడు.
అయితే ఆ ఫోను ఇవ్వడానికి ఇష్టపడని సందీప్ ఆ విషయాన్ని తన తమ్ముడు ఆయన సంతోష్ కు తెలిపాడు.ఈ విషయం మీద మాట్లాడడానికి సందీప్ అతని సోదరుడు సంతోష్ ఇద్దరు కలిసి వినయ్ ఇంటికి మంగళవారం నాడు వెళ్లారు.
అయితే ఆ సమయంలో వినయ్ ఇంట్లో లేడు.ఆ తర్వాత వారిద్దరు స్నేహితులు ఇంటికి వచ్చిన ఈ విషయాన్ని తల్లి చెప్పడంతో వినయ్ సందీప్ కి ఫోన్ చేసి గొడవ పడ్డారు.
ఆ తర్వాత సందీప్, సంతోష్ లు ఇద్దరూ దిల్‌సుఖ్‌నగర్ లో ఉన్నట్లు సమాచారం అందుకున్న వినయ్ బుధవారం రాత్రి 1:00 సమయంలో అక్కడికి చేరుకున్నాడు.అక్కడ ఫోన్ విషయంలో వారి ముగ్గురి మధ్య వాగ్వివాదం జరిగింది.అయితే ఆ సమయానికి పూర్తిగా మద్యం మత్తులో ఉన్న సందీప్ తనతో ఉన్న కత్తితో విచక్షణారహితంగా వినయ్ ని పొడిచాడు.దీనితో తీవ్రగాయాలైన వినయ్ అక్కడికక్కడే మరణించాడు.
అయితే ఆ విషయాన్ని ఇద్దరు అన్నదమ్ములు వినయ్ తల్లి కి ఫోన్ చేసి చెప్పి అక్కడి నుంచి పరారయ్యారు.దీంతో వినయ్ తల్లి లలిత వెంటనే పోలీసులను ఆశ్రయించి విషయాన్ని తెలపగా, పోలీసులు కేసు నమోదు చేసుకుని నిందితుల కోసం గాలింపు చర్యలు చేపట్టారు.
తెలుగు వార్త విశేషాలు సులభముగా తెలుసుకోండి!!!!
