‘హార్ట్‌ఎటాక్‌’ సినిమా కోసం యువ హీరో నితిన్‌, డాషింగ్‌ డైరెక్టర్‌ పూరి జగన్నాధ్‌లు కలిసి వర్క్‌ చేశారు.ఆ సినిమా మంచి ఫలితాన్ని ఇచ్చింది.
ఆ తర్వాత మళ్లీ వీరిద్దరి కాంబినేషన్‌లో సినిమా వచ్చే అవకాశాలున్నాయని అప్పుడే ప్రచారం జరిగింది.అయితే వీరిద్దరి కాంబోలో రెండవ సినిమాకు ఇటీవలే ఓకే అయ్యింది.
నితిన్‌ స్వయంగా ట్విట్టర్‌లో తాను పూరి దర్శకత్వంలో రెండవసారి నటించబోతున్నాను అంటూ ప్రకటించాడు.అయితే తాజాగా ఆ ప్రాజెక్ట్‌ నుండి నితిన్‌ను తప్పించి వరుణ్‌ తేజ్‌తో పూరి సినిమా చేస్తున్నాడు.
ఉన్నట్లుండి పూరి ఎందుకు నితిన్‌ను తొలగించాడు అనేది ప్రస్తుతం ఫిల్మ్‌ సర్కిల్స్‌లో హాట్‌ టాపిక్‌గా చర్చ సాగుతోంది.పూరికి నితిన్‌కు మధ్య ఏమైనా విభేదాలు వచ్చాయా, అందుకే నితిన్‌ ఈ ప్రాజెక్ట్‌ నుండి తప్పుకున్నాడా, లేక ఈ స్క్రిప్ట్‌ నితిన్‌ కంటే కూడా వరుణ్‌కు బాగా సూట్‌ అవుతుందనే ఉద్దేశ్యంతో పూరి హీరోను మార్చాడా అనేది చర్చనీయాంశంగా మారింది.
వరుణ్‌, పూరిల కాంబోలో మూవీని సి.కళ్యాణ్‌ నిర్మిస్తున్నాడు.మరో వైపు నితిన్‌ కొత్త సినిమాను త్వరలో ఆరంభించేందుకు ఏర్పాట్లు చేస్తున్నాడు.
