పవన్ కళ్యాణ్ నిర్మాణంలో రామ్ చరణ్ నటించనున్నట్లుగా మీడియాలో వార్తలు వస్తున్న విషయం తెల్సిందే.ఈ వార్తలను మెగా ఫ్యాన్స్ నమ్మలేకుండా ఉన్నారు.
ఇది నిజమా లేక పుకారా అనే అనుమానాలు వ్యక్తం అవుతున్నాయి.ఈ నేపథ్యంలో రామ్ చరణ్ తాజాగా తాను బాబాయి నిర్మాణంలో ఒక సినిమాలో నటించబోతున్నట్లుగా ప్రకటించాడు.
బాబాయితో సినిమా చేసేందుకు ఎంతో ఆతృతగా ఎదురు చూస్తున్నానంటూ ఫేస్బుక్ ద్వారా పేర్కొన్నాడు.చరణ్ ఈ విషయాన్ని అధికారికంగా ప్రకటించడంతో మెగా ఫ్యాన్స్ సంతోషంలో మునిగి తేలుతున్నారు.
ప్రస్తుతం ‘నా పేరే రాజు’ సినిమాలో నటించేందుకు సిద్దం అవుతున్న చరణ్ ఆ తర్వాత పవన్ కళ్యాణ్ నిర్మాణంలో నటించనున్నాడు.ప్రస్తుతం పవన్ కళ్యాణ్ టీం చరణ్ కోసం ఒక మంచి కథను సిద్దం చేసే పనిలో ఉన్నట్లుగా తెలుస్తోంది.
త్వరలోనే ఈ సినిమాకు దర్శకుడు ఎవరు అనే విషయంలో క్లారిటీ వచ్చే అవకాశాలున్నాయి.ఇక ఈ సినిమా తర్వాత పవన్ తన నిర్మాణ సంస్థలో వరుసగా చిన్న హీరోల మరియు దర్శకులతో సినిమాలు నిర్మించే ఏర్పాట్లు చేస్తున్నారు.
ఇక పవన్ కళ్యాణ్ హీరోగా త్వరలో ‘గబ్బర్సింగ్`2’ ప్రారంభం కాబోతున్న విషయం తెల్సిందే.