చిరంజీవి 150వ సినిమా గురించి మళ్లీ చర్చ మొదలైంది.ఇటీవల ‘టెంపర్’ మూవీ చూసిన తర్వాత వివాదల వర్మ ఆసక్తికర కామెంట్స్ చేయడం జరిగింది.
‘టెంపర్’ సినిమాలో టేకింగ్ మరియు స్క్రీన్ప్లే సూపర్ అని, ఇంత మంచి దర్శకుడిని పక్కన పెట్టి మరెవ్వరో దర్శకుడి కోసం చిరంజీవి ఎదురు చూడాల్సిన అవసరం లేదంటూ ట్వీట్ చేశాడు.వెంటనే అన్వేషణ మాని చిరంజీవి తన 150వ సినిమాను పూరి జగన్నాధ్ దర్శకత్వంలో చేసి, సక్సెస్ కొట్టాలని కూడా వర్మ అన్నాడు.
తన గురువు అయిన వర్మ ట్వీట్పై పూరి స్పందన ఆసక్తికర చర్చకు దారి తీస్తోంది.
వర్మ సలహా మేరకు చిరంజీవి గారు తనతో సినిమా చేసేందుకు ముందుకు వస్తే తాను ఆ చాలెంజ్ను స్వీకరించేందుకు సిద్దంగా ఉన్నానని ప్రకటించాడు.
చిరంజీవి గారి ప్రతిష్టాత్మక 150వ సినిమాకు దర్శకత్వం చేసే అవకాశం వస్తే నా సత్తా చూపిస్తా అంటూ పూరి పేర్కొన్నాడు.ఇటీవలే మచ్చ రవి ఒక కథను తయారు చేశాడని ప్రచారం జరుగుతోంది.
ఆ కథను పూరి జగన్నాధ్కు అప్పగించి చిరు సినిమా చేయాలని కొందరు కోరుకుంటున్నారు.మరి అందరు భావించి, కోరుకునేలా చిరు నిర్ణయం తీసుకుంటాడా లేక మరే కొత్త నిర్ణయం అయినా తీసుకుంటాడా అనేది చూడాలి.