తెలుగు ప్రేక్షకులు ఎంతో ఆసక్తిగా ఎదురు చూస్తున్న సినిమా ‘గోపాల గోపాల’.పవన్ కళ్యాణ్, వెంకటేష్లు కలిసి నటించిన ఈ సినిమాను సంక్రాంతి కానుకగా ప్రేక్షకుల ముందుకు తీసుకు రావాలని నిర్మాతలు నిర్ణయించారు.
కాగా ఈ సినిమా నేడు సెన్సార్ ముందుకు వెళ్లబోతుంది.అయితే చిత్ర నిర్మాతలకు సెన్సార్ బోర్డు ఈ సినిమాపై ఎలా స్పందిస్తుందనే భయం మెదులుతోంది.
ఇప్పటికే ఈ సినిమాకు సెన్సార్ సర్టిఫికెట్ ఇవ్వవద్దంటూ విశ్వ హిందూ పరిషత్ సెన్సార్ బోర్డును కలిసి పలుమార్లు విజ్ఞప్తి చేసింది.ఇక ఇతర హిందూ సంఘాల వారు కూడా ఈ సినిమాలో హిందూ వ్యతిరేక సన్నివేశాలున్నాయని, తమ దైవం శ్రీకృష్ణుడిని మోడ్రన్గా చూపించి తమ మనోభావాలను దెబ్బ తీసేందుకు ప్రయత్నిస్తున్నారని ఫిర్యాదు చేశారు.
ఈ నేపథ్యంలో ‘గోపాల గోపాల’కు సెన్సార్ బోర్డు ఎలా సెన్సార్ చేయబోతుంది, వారు విధించే షరతులు ఏంటి అనేది ప్రస్తుతం ఆసక్తికరంగా ఉంది.అసలు ఈ సినిమాకు సెన్సార్ బోర్డు క్లియరెన్స్ ఇచ్చేనా అనే అనుమానాలు కూడా వ్యక్తం అవుతున్నాయి.