సంచలనాల వర్మ మరో సంచలన వార్తకు శ్రీ కారం చుట్టాడు.ఎప్పుడూ తన ట్వీట్స్ తో అందరినీ విమర్శిస్తూ వార్తల్లో ఉండే వర్మ ఇప్పటి వరకు దేవుళ్ళను, సినీ హీరోలను టార్గెట్ చేస్తూ టైమ్ పాస్ చేస్తూ వస్తున్నాడు.
అయితే ఇప్పుడు ఏకంగా యావత్ ప్రపంచం ఆశగా ఎదురు చూస్తున్న 2015 న్యూ ఇయర్ పైనే వర్మ సంచలన కామెంట్స్ చేశాడు.ఆయన తన ట్విట్టర్ లో అందరికి ట్వీట్ చేస్తూ అందరికి ‘విష్ యు ఎ సాడ్ ఇయర్’ అంటూ ఒక వెరైటీ ట్విట్ పెట్టి అందరి మైండ్స్ బ్లాంక్ చేసాడు.
అంతేకాకుండా దానికి ఆయన ఇచ్చిన వెరైటీ సమాధానం కూడా అందరినీ ఆశ్చర్య పరిచింది.ఎందుకిలా చేశాడా అని తలలు బాదుకుంటున్న వారికి వర్మ చెప్పిన మాటలు మరింత విసుగు తెప్పించాయి.
వర్మ దీనిపై మాట్లాడుతూ మనం ఎప్పుడూ నూతన సంవత్సరంలోకి అడుగు పెడుతున్నప్పుడు పాత సంవత్సరానికి మన బాధనలను కూడా తీసుకు వెళతాము కాబట్టి మనందరికీ రాబోతున్న సంవత్సరం సాడ్ ఇయర్ అంటూ ఆయన వెరైటీగా తెలిపాడు.మరి విజయాలు లేక వర్మ అలా మాట్లాడుతున్నాడో, లేక మరేమైనా కారణాల దృష్ట్యా ఆలా అంటున్నాడో తెలీదు కానీ మొత్తానికైతే ట్వీట్ తో మరో సారి వార్తాల్లోకి ఎక్కేసాడు.
