ముంబైలోని( Mumbai ) కొపార్ ఖైరానే ప్రాంతం నుంచి వచ్చిన ఒక వీడియో వైరల్( Viral Video ) అవుతోంది.బాలాజీ మూవీప్లెక్స్లో ‘ఛావా’ సినిమా ( Chhaava ) చూస్తున్న కొందరు యువకులు నవ్వుతూ, జోకులు వేస్తూ ఎంజాయ్ చేశారు.
కానీ, అక్కడే ఉన్న కొందరు వ్యక్తులు మాత్రం సీరియస్గా తీసుకున్నారు.వాళ్లే దుండగుల్లా మారిపోయి, ఆ నవ్వుతున్న కుర్రాళ్లను చుట్టుముట్టారు.
విషయం ఏంటంటే.‘ఛావా’ సినిమా ఛత్రపతి శంభాజీ మహారాజ్ జీవిత కథ ఆధారంగా తెరకెక్కింది.విక్కీ కౌశల్, రష్మిక మందన్న, అక్షయ్ ఖన్నా లాంటి స్టార్స్ నటించారు.సినిమాలో క్లైమాక్స్ సీన్స్ గుండెల్ని పిండేసేలా ఉంటాయి.శంభాజీ మహారాజ్ను ఔరంగజేబు ఎంత క్రూరంగా హింసించాడో చూపిస్తుంటే, ప్రేక్షకులు కన్నీళ్లు పెట్టుకుంటున్నారు.దేశభక్తి పారవశ్యంలో మునిగిపోయారు.
అలాంటి సీన్స్ వస్తుంటే, ఈ ఐదుగురు కుర్రాళ్లు మాత్రం నవ్వుతూ, వెటకారంగా కామెంట్స్ చేస్తూ రెచ్చిపోయారు.ఇది చూసిన మిగతా ఆడియన్స్ మండిపడ్డారు.సినిమా అయిపోగానే వాళ్లను నిలదీశారు.ఆ గొడవ కాస్తా పెద్దదై, ఆ కుర్రాళ్లను బలవంతంగా మోకాళ్లపై కూర్చోబెట్టారు.
“ఛత్రపతి సంభాజీ మహారాజ్ కీ జై” అని గట్టిగా నినాదాలు చేయమన్నారు.మొదట ఒక యువకుడు “నేను ఛత్రపతి శివాజీ మహారాజ్కు( Chhatrapati Shivaji Maharaj ) క్షమాపణలు చెబుతున్నాను” అని మరాఠీలో చెప్పబోయాడు.కానీ, వాళ్లు ఒప్పుకోలేదు.“శంభాజీ మహారాజ్కు క్షమాపణ చెప్పు” అంటూ గట్టిగా అరిచారు.దీంతో ఆ కుర్రాడు హిందీలో “మేం ఛత్రపతి శంభాజీ మహారాజ్ సినిమా చూస్తూ జోకులు వేశాం.మమ్మల్ని క్షమించండి” అని తప్పు ఒప్పుకున్నాడు.
అంతటితో ఆగకుండా, ఇంకో వ్యక్తి “ఇది మా కర్మభూమి, ఎలా మర్చిపోతాం?” అంటూ సీరియస్గా మాట్లాడాడు.ఈ మొత్తం తతంగాన్ని ఎవరో వీడియో తీసి సోషల్ మీడియాలో పెట్టడంతో అది వైరల్ అయిపోయింది.
ఈ వీడియో చూసిన నెటిజన్లు రెండుగా చీలిపోయారు.కొందరు ఆ యువకులను క్షమించమని చెప్పిన వాళ్లను సమర్థిస్తున్నారు.“మహారాజ్ పట్ల అంత భక్తి ఉండాలి” అంటున్నారు.మరికొందరు మాత్రం “అది థియేటర్, ఎవరిష్టం వాళ్లది.
బలవంతంగా క్షమాపణలు చెప్పించడం తప్పు” అంటూ వాదిస్తున్నారు.ఏది ఏమైనా, ఈ వీడియో మాత్రం ఇప్పుడు హాట్ టాపిక్గా మారింది.
