సాధారణంగా ఇతర నెలలతో పోల్చి చూస్తే ఫిబ్రవరి నెలలో తక్కువ సంఖ్యలో సినిమాలు విడుదలవుతాయనే సంగతి తెలిసిందే.తక్కువ రోజులు ఉండటంతో పాటు ఫిబ్రవరి, మార్చి నెలలలో విద్యార్థులకు సెలవులు ఎక్కువగా ఉండటం వల్ల తక్కువ సినిమాలే ఈ నెలలో విడుదల కావడం జరుగుతుంది.
జనవరి నెలలో విడుదలైన సంక్రాంతి సినిమాలలో దాదాపుగా అన్ని సినిమాలు ప్రేక్షకులను ఆకట్టుకున్నాయి.
ఫిబ్రవరి నెల ఫస్ట్ వీక్ లో మైఖేల్, బుట్టబొమ్మ, రైటర్ పద్మభూషణ్ సినిమాలు విడుదల కాగా ఈ మూడు సినిమాలలో రైటర్ పద్మభూషణ్ మాత్రమే ప్రేక్షకులను ఆకట్టుకుంది.సుహాస్ కు ఈ సినిమా మంచి పేరు తెచ్చిపెట్టినా ఈ సినిమా మరీ ఓ రేంజ్ బ్లాక్ బస్టర్ హిట్ మాత్రం కాదు.ఫిబ్రవరి నెల 2వ వారంలో భారీ అంచనాలతో అమిగోస్ మూవీ విడుదలైంది.
బింబిసార తర్వాత కళ్యాణ్ రామ్ నటించిన ఈ సినిమా ప్రేక్షకులను ఆకట్టుకోలేదు.
కళ్యాణ్ రామ్ మూడు పాత్రల్లో నటించినా ప్రేక్షకులను మెప్పించడంలో ఈ సినిమా ఫెయిలైంది.అదే వారంలో అల్లంత దూరాన, వసంత కోకిల, పాప్ కార్న్, వేద సినిమాలు రిలీజ్ కాగా ఈ సినిమాలను సినిమా లవర్స్ పెద్దగా పట్టించుకోలేదు.ఫిబ్రవరి నెల మూడో వారంలో సార్, వినరో భాగ్యము విష్ణుకథ సినిమాలు విడుదలయ్యాయి.
ఈ రెండు సినిమాలు బాక్సాఫీస్ వద్ద హిట్ గా నిలిచాయి.
ఫిబ్రవరి నెల చివరి వారంలో మిస్టర్ కింగ్, కోనసీమ థగ్స్, డెడ్ లైన్ సినిమాలు రిలీజ్ కాగా ఈ సినిమాలు సైతం ప్రేక్షకుల అంచనాలను అందుకోలేదు.ఫిబ్రవరి నెలలో కేవలం మూడంటే మూడు సినిమాలు బాక్సాఫీస్ వద్ద హిట్లుగా నిలవడం గమనార్హం.మార్చి నెలలో విడుదలవుతున్న సినిమాలు బాక్సాఫీస్ వద్ద ఎలాంటి ఫలితాలను అందుకుంటాయో చూడాల్సి ఉంది.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
