ఈ రోజుల్లో చైన్ స్నాచింగ్ ఘటనలు చాలా పెరిగిపోతున్నాయి.బంగారం ధరించి రోడ్డు మీదకి వస్తే చాలు దొంగలు వాటిని ఎత్తుకెళ్లిపోతున్నారు.
కాగా తాజాగా ఒక మహిళ మెడలోని బంగారపు గొలుసును ఒక దొంగ చాలా చాకచక్యంగా ఎత్తుకుపోయాడు.దీనికి సంబంధించిన వీడియో వైరల్ గా మారింది.
ఈ గొలుసు దొంగ మామూలు వ్యక్తిగానే జనాల్లో కలిసిపోయి ఒక మహిళకు షాక్ ఇచ్చాడు.
వివరాల్లోకి వెళ్తే… రాజస్తాన్లోని బికనీర్లో ఒక షాపు వద్ద ఇటీవల ఒక మహిళ తన స్కూటీపై నిల్చోని వస్తువులు కొనుగోలు చేసింది.
ఆమెకు ఒకట్రెండు అడుగుల దూరంలో మొహానికి ముసుకు చుట్టుకుని ఒక వ్యక్తి నిల్చున్నాడు.ఆమె వస్తువులు కొనడంలో నిమగ్నం కాగా అతడు చుట్టూ చెక్ చేసుకొని ఒక్కసారిగా ఆమె మెడలోని బంగారపు చైన్ లాక్కొని శరవేగంగా అక్కడి నుంచి పరారయ్యాడు.
ఆ మహిళకు ఒక సెకన్ పాటు ఏం జరుగుతుందో తెలియలేదు.మెడలో చూసుకుంటే గొలుసు మాయమైంది.వెంటనే అర్థం చేసుకున్న ఆమె తన స్కూటీ అక్కడే ఉంచి తన గొలుసు ఎవరు దొంగలించారో తెలుసుకునేందుకు పరిగెత్తింది.
దొంగోడు గోల్డ్ చైన్ తెంపుకొని పరిగెత్తడానికి సంబంధించిన దృశ్యాలన్నీ షాపు సీసీటీవీ ఫుటేజ్ లో రికార్డ్ అయ్యాయి.ఆ వీడియోని సోషల్ మీడియాలో పెట్టగా అది కాస్త వైరల్ గా మారింది.దీనిపై కేసు నమోదు అయిందో లేదో తెలియ రాలేదు కానీ నెటిజన్లు మాత్రం మహిళలు బయటికెళ్లేటప్పుడు బంగారం ధరించకపోవడమే మంచిదని కామెంట్ చేస్తున్నారు.
ఈ వీడియోని మీరు కూడా చూసేయండి.