రౌడీ స్టార్ కెరీర్ లో ప్లాప్ సినిమాలే ఎక్కువగా.. హిట్ అయ్యింది ఎన్నంటే?

టాలీవుడ్ రౌడీ స్టార్ గా పేరు తెచ్చుకున్నాడు విజయ్ దేవరకొండ.రోజు రోజుకూ ఆయన అభిమానుల సంఖ్య పెరిగి పోతుంది.

విజయ్ దేవరకొండకు టాలీవుడ్ లో మాత్రమే కాదు బాలీవుడ్ లో కూడా ఫ్యాన్ ఫాలోయింగ్ పెరిగి పోతుంది.ఆయన ప్రతి ఒక్కరికి ఫేవరేట్ హీరోగా మారి పోతున్నాడు.

సోషల్ మీడియాలో సైతం టాలీవుడ్ లోనే టాప్ 2 ప్లేస్ లో నిలబడ్డాడు.

ఈయన కెరీర్ లో గుర్తింపు తెచ్చుకోవడానికి చాలానే కష్టాలు పడ్డాడు.

ఈయన మొదటగా నువ్విలా సినిమాలో కీలక పాత్రలో కనిపించి ఆ తర్వాత లైఫ్ ఈజ్ బ్యూటిఫుల్, ఎవడే స్రుబ్రహ్మణ్యం సినిమాలో కూడా నటించాడు.అయితే విజయ్ కెరీర్ ను మలుపుతిప్పిన సినిమా ఏది అంటే పెళ్లి చూపులు అనే చెప్పాలి.

నాగ్ అశ్విన్ తెరకెక్కించిన పెళ్లి చూపులు సినిమాతో మొదటి హిట్ కొట్టడమే కాకుండా ఈయన నటుడిగా హీరోగా గుర్తింపు కూడా పొందాడు.

వెంటనే ద్వారకా సినిమాతో ప్లాప్ అందుకున్నాడు.

ఆ తర్వాత చేసిన అర్జున రెడ్డి తో స్టార్ అయిపోయాడు.అక్కడి నుండి ఈయన క్రేజీ హీరో అయ్యాడు.

ఈ సినిమాలో ఈయన యాక్టింగ్, యాటిట్యూడ్, రొమాన్స్ అన్ని కూడా యువతను బాగా ఆకర్షించాయి.ఆ తర్వాత ఈ విజయాన్ని కొనసాగిస్తూ గీత గోవిందం సినిమాతో వచ్చి బ్లాక్ బస్టర్ హిట్ అందుకున్నాడు.

అయితే ఆ తర్వాత ఈయన నటించిన నోటా, ట్యాక్సీవాలా, డియర్ కామ్రేడ్, వరల్డ్ ఫేమస్ లవర్ సినిమాలు ప్లాప్ అయ్యాయి.ఇలా వరుస ప్లాప్స్ వచ్చినా ఈయన క్రేజ్ తగ్గలేదు.కానీ ఇప్పుడు వచ్చిన లైగర్ కూడా బిగ్గెస్ట్ డిజాస్టర్ అయ్యింది.ఈ సినిమా పాన్ ఇండియా లెవల్లో భారీ అంచనాల రిలీజ్ అయ్యింది.

దీంతో విజయ్ కెరీర్ లో హిట్ సినిమాల కంటే ప్లాప్ సినిమాలే ఎక్కువగా కనిపిస్తున్నాయి.కథ విషయంలో విజయ్ చేస్తున్న తప్పులే ఈయనకు ప్లాప్స్ తెచ్చిపెడుతున్నాయి.

ఈయనకు ఉన్న క్రేజ్ చూసుకుని సరైన కథలను ఎంచుకోకుండా సినిమాలు చేయడంతో విజయాలు దక్కడం లేదు.మరి విజయ్ ముందు ముందు అయినా ఆచి తూచి అడుగులు వేస్తాడో లేదో చూడాలి.

ఇక లైగర్ సినిమా తర్వాత కూడా విజయ్ పూరీ జగన్నాథ్ దర్శకత్వంలో తెరకెక్కే జనగణమన సినిమాలో నటిస్తున్న విషయం తెలిసిందే.అలాగే శివ నిర్వాణ దర్శకత్వంలో సమంత జోడీగా మరొక సినిమా స్టార్ట్ చేసి షూటింగ్ కూడా శరవేగంగా జరుపుతున్నారు.