మలయాళ నటుడు నిర్మాత విజయ్ బాబు లైంగిక ఆరోపణలను ఎదుర్కొంటున్న సంగతి మనందరికీ తెలిసిందే.సినిమాలలో అవకాశం ఇస్తానని చెప్పి తనపై పలుమార్లు లైంగిక దాడికి పాల్పడ్డాడు అంటూ నటి పోలీసులకు ఫిర్యాదు చేసిన విషయం తెలిసింది.
ఇదే విషయం పై విజయ్ బాబు పై కేరళ పోలీసులు కేసు కూడా నమోదు చేశారు.సదరు మహిళ విజయ్ తనను లైంగికంగా వేధిస్తున్నాడని ఎర్నాకుళం సౌత్ పోలీస్ స్టేషన్లో ఫిర్యాదు చేసిన విషయం తెలిసిందే.
తాజాగా పోలీసులు విజయ్ బాబు ని అరెస్ట్ చేశారు.
లైంగిక ఆరోపణల కేసులో కొన్ని నెలల క్రితం విజయ్ బాబుపై కేసు నమోదు కాగా కేరళ హైకోర్టును ఆశ్రయించి ముందస్తు బెయిల్‌ పొందాడు.
కానీ అతను నిబంధనలకు విరుద్ధంగా ఇటీవల సోషల్ మీడియాలో తనపై లైంగిక వేధింపుల కేసు పెట్టిన ఆ నటి పేరును వెల్లడించాడు.దీంతో తాజాగా పోలీసులు అతడిని అరెస్టు చేయగా ఆ వెంటనే బెయిల్‌ పై విడుదల అయి బయటకు వచ్చాడు.
అయితే జూలై 3వ తేదీ వరకు విజయ్ బాబను ప్రశ్నించడానికి హైకోర్టు పోలీసులు అనుమతి ఇచ్చింది.
అయితే మొదట ఈ లైంగిక ఆరోపణలను నటుడు విజయ్ ఖండిస్తు తాను ఎలాంటి తప్పు చేయలేదని,నేను ఎటువంటి తప్పు చేయనప్పుడు భయపడను.ఇక్కడ నేను బాధితుడిని నాపై తప్పుడు ఆరోపణలు చేసిన మహిళ 2018 నుంచి నాకు తెలుసు అని విజయ్ బాబు తెలిపిన విషయం తెలిసిందే.అయితే ఇప్పట్లో ఈ కేసు సద్దుమణిగేలా కనిపించడం లేదు.
మరి ఈ కేసులో సదరు మహిళ చెప్పిన విధంగా విజయ్ బాబు ఆ మహిళలు లైంగిక వేధింపులకు గురి చేశాడా, ఆ మహిళ చెప్పింది నిజమేనా అన్నది తెలియాలి అంటే ఈ కేసు పూర్తయ్యే వరకు ఎదురు చూడాలి మరి.ఏది ఏమైనప్పటికీ విజయ్ బాబు మాత్రం దానికి ఏ తప్పు చేయలేదని ఫుల్ కాంన్ఫిడెన్స్ తో ఉన్నాడు.
తెలుగు వార్త విశేషాలు సులభముగా తెలుసుకోండి!!!!
