ఒక చిన్న గులకరాయి అనంతమైన విశ్వం గుట్టు రట్టు చేస్తుందంటే నమ్ముతారా.నమ్మి తీరాల్సిందే.
ఎందుకంటే ఈజిప్ట్ లో దొరికిన ఒక గులకరాయి విశ్వం నుంచి భూమి మీద పడింది.విశేషమేమంటే ఈ రాయి సౌర వ్యవస్థ కి చెందినది కాదు.
అంటే ఎంత దూరం నుంచి ఇది భూమి మీదకు వచ్చి పడిందో అర్థం చేసుకోవచ్చు.అలాగే దీని వయసు కూడా కోట్ల సంవత్సరాలు ఉంటుందని శాస్త్రవేత్తలు అంచనా వేస్తున్నారు.
సౌర వ్యవస్థను పుట్టకముందే ఈ రాయి ఏర్పడిందని అంటున్నారు.
ఈజిప్ట్ దేశంలోని నైరుతి భాగంలో జొహన్నెస్‌బర్గ్‌ యూనివర్శిటీ రీసెర్చర్లు 2013లో ఈ రాయిని గుర్తించారు.
ఈ గులకరాయి చాలా వింతగా ఉండటంతో దీన్ని పరిశోధకులు ల్యాబ్ కి తీసుకెళ్లి టెస్ట్ చేశారు.అయితే తాజాగా టెస్టులు అన్నీ పూర్తయ్యాయి.అప్పుడే వారికి విశ్వం లో జరిగిన ఒక భారీ పేలుడు వల్ల ఈ రాయి కింద పడింది అని తెలిసింది.తోకచుక్క లేదా ఉల్క వల్ల ఈ రాయి రాలేదని.
నక్షత్రంలో విస్పోటనం వల్ల ఇది వచ్చిందని పేర్కొన్నారు.అలాగే ఈ రాయి హైపాటియా అనే శిలకు సంబంధించినదని శాస్త్రవేత్తలు గుర్తించారు.
విశ్వంలో భారీ విస్పోటనం వల్ల ఏర్పడిన ఈ హైపాటియా రాయిలో మన సౌరవ్యవస్థలో ఎక్కడా దొరకని నికెల్‌ ఫాస్పైడ్‌ను కనుగొన్నారు.ఈ పదార్థం పై శాస్త్రవేత్తలు పరిశోధనలు చేస్తున్నారు.ప్రోటాన్‌ మైక్రోప్రోబ్‌ పద్ధతిని వాడి ఈ గ్రహాంతర గులకరాయిలో 15 డిఫరెంట్ ఎలిమెంట్స్ ఉన్నట్లు పరిశోధకులు గుర్తించారు.విశ్వంలో ఏం జరిగింది, జరుగుతుందనేది ఈ రాయి ద్వారా తెలుసుకోవచ్చని శాస్త్రవేత్తలు చెబుతున్నారు.
ఏది ఏమైనా ఎక్కడో తెలియని ప్రాంతం నుంచి ఇక్కడికి ప్రయాణించిన ఈ గులకరాయి గురించి తెలుసుకొని అందరూ ఆశ్చర్యపోతున్నారు.
తెలుగు వార్త విశేషాలు సులభముగా తెలుసుకోండి!!!!
