మహానటి ఫేమ్ నాగ్ అశ్విన్ దర్శకత్వంలో ప్రభాస్, దీపికా పదుకొనే జంటగా ప్రాజెక్ట్ కె అనే వర్కింగ్ టైటిల్ తో సినిమా తెరకెక్కుతున్న సంగతి మనకు తెలిసిందే.ఇప్పటికే ఈ సినిమా చిత్రీకరణ ప్రారంభించారు.
ఇలా సినిమా షూటింగ్ జరుపుకుంటుండగా ప్రభాస్ మోకాలు సర్జరీ కారణంగా కొద్ది రోజుల పాటు ఈ సినిమా చిత్రీకరణ వాయిదా వేశారు.ఈ క్రమంలోనే ప్రభాస్ మోకాలు సర్జరీ చేయించుకుని విశ్రాంతి తీసుకున్నారు.
అయితే తాజాగా ఈ సినిమా షూటింగ్ తిరిగి హైదరాబాద్ లో ప్రారంభమైనట్లు తెలుస్తోంది.
ఇప్పటికే హైదరాబాద్ లో షెడ్యూల్ చిత్రీకరణ జరుపుకున్న చిత్రబృందం తన తదుపరి షెడ్యూలు కూడా హైదరాబాద్లోనే చిత్రీకరించనున్నారు.
సీనియర్ ఆర్ట్ డైరెక్టర్ తోటతరణి సారథ్యంలో, హైదరాబాదులో నిర్మించబడిన మూడు భారీ సెట్లో ఈ సినిమా షూటింగ్ జరుపుకోనుంది.ఈ సినిమా షెడ్యూల్ చిత్రీకరణలో భాగంగా హీరో ప్రభాస్, దీపికా పదుకొనే, అమితాబచ్చన్ షూటింగ్ లో పాల్గొననున్నట్టు సమాచారం.
పాన్ ఇండియా స్థాయిలో తెరకెక్కుతున్న ఈ సినిమా షూటింగ్ పనులను జరుపుకుంటోంది.ప్రభాస్ సర్జరీ కారణంగా ఈ సినిమా చిత్రీకరణకు బ్రేకులు పడ్డాయి.ఇక ఈ సినిమా నిర్మాణంలో భాగంగా ఆనంద్ మహేంద్ర సహాయం తీసుకోనున్నట్లు ఇదివరకే చిత్రబృందం వెల్లడించారు.పాన్ ఇండియా స్థాయిలో భారీ బడ్జెట్ తో తెరకెక్కుతున్న ఈ సినిమాపై ప్రభాస్ అభిమానులు భారీ అంచనాలు పెట్టుకున్నారు.
తెలుగు వార్త విశేషాలు సులభముగా తెలుసుకోండి!!!!
