ఒకటో తారీఖు వస్తే చాలు సామాన్యుల గుండెల్లో రైళ్లు పరుగెడతాయి.ఎందుకంటే ఇప్పుడు పెట్రోల్ ధరలతో పాటు గ్యాస్ సిలిండర్ ధరలు కూడా పెరిగిపోతున్నాయి.
అందుకే ఒకటో తారీఖు వస్తే చాలు అందరు గ్యాస్ ధర తగ్గుతుందో లేక పెరుగుతుందో అనే భయంతో వణికిపోతున్నారు.కానీ ఈసారి గ్యాస్ సిలిండర్ వాడే వారికి శుభవార్త.
గ్యాస్ సిలిండర్ ధరలు దిగివచ్చాయి.ఎందుకంటే ఆయిల్ మార్కెటింగ్ కంపెనీలు తాజాగా గ్యాస్ సిలిండర్ ధరలను తగ్గించడం జరిగింది.
అయితే ఇది అందరి వినియోగదారులకు వర్తించదు.కేవలం కొంత మంది గ్యాస్ వినియోగదారులకు మాత్రమే ఉపయోగకరంగా ఉంటుంది.ఎందుకంటే కంపెనీలు కమర్షియల్ గ్యాస్ సిలిండర్ ధరను మాత్రమే తగ్గించడం వలన కేవలం వారికి మాత్రమె తగ్గింపు ధర వర్తిస్తుంది.కాగా ఆయిల్ మార్కెటింగ్ కంపెనీలు 14.2 కేజీల సిలిండర్ ధరల విషయంలో మాత్రం ఎటువంటి మార్పులు చేయలేదు.అలాగే 19 కేజీల కమర్షియల్ గ్యాస్ సిలిండర్ ధర మాత్రమే తగ్గుతుంది.
ఇలా తగ్గించిన ధరలు ఈరోజు నుంచే అమలులోకి వస్తాయని ఆయా కంపెనీలు తెలిపాయి. ఒక్కో సిలిండర్ ధర రూ.91.5 మేరకు తగ్గడం విశేషం అనే చెప్పాలి.గత నెలలో కూడా కమర్షియల్ గ్యాస్ సిలిండర్ ధర 102.5 తగ్గింది.అంటే వరుసగా గ్యాస్ సిలిండర్ ధర తగ్గడం ఇది రెండవసారి అన్నమాట.అంతర్జాతీయ మార్కెట్లో ముడి చమురు ధరలు, అలాగే అమెరికా డాలర్‌ తో ఇండియన్ రూపాయి మారకపు విలువ వంటి పలు అంశాలు సిలిండర్ ధర విషయంలో ప్రభావితం చూపుతున్నాయి.
