బుల్లితెరపై ఎన్ని రియాలిటీ షోలు ప్రసారమవుతున్నా బిగ్ బాస్ షోకు ఉండే స్థాయిలో మరే షోకు ఆదరణ దక్కదనే సంగతి తెలిసిందే.బిగ్ బాస్ షో డిస్నీ ప్లస్ హాట్ స్టార్ ఓటీటీలో కూడా మరికొన్ని రోజుల్లో ప్రసారం కానుంది.
ఇప్పటికే కంటెస్టెంట్ల ఎంపిక ప్రక్రియ పూర్తైందని గత సీజన్లలో పాల్గొన్న కంటెస్టెంట్లు సైతం బిగ్ బాస్ ఓటీటీలో సందడి చేసే ఛాన్స్ అయితే ఉందని సమాచారం అందుతుండటం గమనార్హం.
బిగ్ బాస్ సీజన్ 5 బుల్లితెరపై చెప్పుకోదగ్గ స్థాయిలో రేటింగ్స్ ను సొంతం చేసుకున్న సంగతి తెలిసిందే.
తెలుస్తున్న సమాచారం ప్రకారం ఫిబ్రవరి నెల 20వ తేదీ నుంచి హాట్ స్టార్ లో బిగ్ బాస్ ఓటీటీ స్ట్రీమింగ్ కానుంది. నాగార్జున బిగ్ బాస్ ఓటీటీకు హోస్ట్ గా వ్యవహరించనున్నారని సమాచారం అందుతోంది.
బిగ్ బాస్ ఓటీటీలో పాల్గొనే కంటెస్టెంట్లలో అరియానా గ్లోరీ ఉన్నారని సమాచారం అందుతోంది.
అరియానా గ్లోరీ కూడా బిగ్ బాస్ షోలో పాల్గొనడానికి ఆసక్తి చూపించారని సమాచారం.బిగ్ బాస్ సీజన్ 4లో విన్నర్ గా నిలవకపోయినా ఓటీటీలో అయినా విన్నర్ గా నిలవాలని అరియానా భావిస్తున్నట్టు ఇండస్ట్రీ వర్గాల్లో వినిపిస్తోంది.హరితేజ, అఖిల్ సార్థక్, తనీష్, ఆదర్శ్, అలీ రేజా పేర్లు కూడా వినిపిస్తుండగా తుది జాబితాలో ఎవరు ఉంటారో తెలియాల్సి ఉంది.
వైష్ణవి చైతన్య కూడా ఈ షోలో పాల్గొననున్నారని సమాచారం.
యాంకర్ ప్రత్యూష, వరంగల్ వందన కూడా ఈ జాబితాలో ఉన్నారని తెలుస్తోంది.
అయితే ఈ కంటెస్టెంట్లలో ఎంతమంది కంటెస్టెంట్లు తుది జాబితాలో ఉంటారో చూడాల్సి ఉంది.బుల్లితెరపై సక్సెస్ అయిన విధంగా ఓటీటీలో కూడా బిగ్ బాస్ షో సక్సెస్ సాధిస్తుందేమో చూడాల్సి ఉంది.
బిగ్ బాస్ ఓటీటీ కొరకు బిగ్ బాస్ ఫ్యాన్స్ ఆసక్తిగా ఎదురుచూస్తున్నారు.
