పచ్చి బఠానీలు గురించి మీకు తెలిసే ఉంటుంది.ఇవి ఆరోగ్యానికి ఎంతో మేలు చేస్తాయి.
ఎక్కువగా పచ్చిబఠానీలు చలికాలంలో అధికంగా దొరుకుతాయి.వీటిని మనం చాలారకాల వంటలలో వాడుతూ ఉంటాము.
నిత్యం పచ్చిబఠానీలను ఆహారంలో భాగంగా చేసుకుంటే ఎన్నో రకాల ఆరోగ్య ప్రయోజనాలు కలుగుతాయి.నిజానికి చాలామందికి పచ్చిబఠానీల వలన కలిగే ఆరోగ్య ప్రయోజనాల గురించి తెలిసి ఉండకపోవచ్చు.
అందుకే మీకోసం పచ్చిబఠానీలను తీసుకుంటే కలిగే ఆరోగ్య ప్రయోజనాలు గురించి తెలియచేయబోతున్నాం.పచ్చిబఠానీలలో ఉండే విటమిన్లు, మినరల్స్ శరీరానికి కావలసిన పోషకాలను అందించి వ్యాధులతో పోరాడే సామర్థ్యాన్ని పెంచుతాయి.
అలాగే పచ్చిబఠానీల్లో విటమిన్ ఎ, సి, ఫ్లేవనాయిడ్స్, కెరోటినాయిడ్స్, పాలీఫినోల్స్, ఒమేగా 3 ఫ్యాటీ యాసిడ్స్ వంటి పోషకాలు చాలా ఎక్కువగా ఉంటాయి.ఇవి శరీరానికి అనేక ఆరోగ్య ప్రయోజనాలను కలగజేస్తాయి.
రోగ నిరోధక శక్తిని పెంచడంలో పచ్చి బఠానీలు బాగా ఉపయోగపడతాయి.వీటిలో యాంటీ ఆక్సిడెంట్లు , యాంటీఇన్ఫ్లమేటరీ గుణాలు పుష్కలంగా ఉంటాయి.
ఎవరయితే అల్జీమర్స్, ఆర్థరైటిస్, బ్రాంకైటిస్, ఆస్టియోపోరోసిస్, క్యాండిడా వంటి రోగాలతో బాధపడతారో వారు పచ్చి బఠాణీలను ఆహారంలో భాగంగా చేసుకుంటే మంచిది.ఈ పచ్చి బఠానిలో ఫైబర్ అధికంగా ఉంటుంది.
అలాగే ఇవి రక్తంలో గ్లూకోజ్ స్థాయిలను తగ్గిస్తాయి.అందుకనే డయాబెటిస్ ఉన్నవారికి పచ్చి బఠాణి మంచి హెల్తీ ఫుడ్ అని చెప్పాలి.
వీటిలో ఫైబర్ కంటెంట్ ఎక్కువగా ఉండడం వలన మలబద్ధకం వంటి సమస్యలను నివారిస్తుంది.కూరగాయలు, ఆకుకూరలతో కలిపి పచ్చి బఠాణీలను వండుకొని తింటే మంచిది.
బరువు తగ్గాలనుకునే వారు డైట్ లో కూరగాయలతో కలిపి పచ్చిబఠానీలను తీసుకుంటే బరువు కూడా తగ్గుతారు.ఎందుకంటే వీటిని తినడం వలన కడుపు నిండిన భావన కలిగి త్వరగా ఆకలి వేయదు.
పచ్చిబఠానీలలో క్యాన్సర్ తో పోరాడే ఔషధ గుణాలు ఉంటాయి.ఇవి శరీరంలో క్యాన్సర్ కణాల వ్యాప్తిని అరికడతాయి.
పచ్చిబఠానీలలో ఐరన్, క్యాల్షియం, పాస్ఫరస్, విటమిన్లు పుష్కలంగా ఉంటాయి కాబట్టి పిల్లలకు పచ్చి బఠాణీలను ఆహారంలో పెడుతూ ఉంటే వారి ఎదుగుదల బాగుండడంతో పాటు శక్తి కూడా వస్తుంది.