యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ కలిసి నటిస్తున్న బిగ్గెస్ట్ మల్టీ స్టారర్ మూవీ ఆర్ఆర్ఆర్.టాలీవుడ్ అగ్ర దర్శకుడు రాజమౌళి దర్శకత్వంలో ఈ సినిమా తెరకెక్కుతుంది.
రాజమౌళి బాహుబలి సినిమాతో ప్రపంచ వ్యాప్తంగా గుర్తింపు తెచ్చుకుని స్టార్ డైరెక్టర్ అయిపోయాడు.ఇక ఆయన చేస్తున్న సినిమాలపై అంచనాలు భారీగా ఉంటాయి.
ఇక బాహుబలి తర్వాత అంతే భారీ స్థాయిలో ఆర్ఆర్ఆర్ సినిమాను కూడా తీసాడు.
ఈ సినిమా షూటింగ్ పూర్తి చేసుకుని విడుదలకు సిద్ధంగా ఉంది.
ఈ సినిమాను వచ్చే ఏడాది సంక్రాంతి కానుకగా జనవరి 7న విడుదల చేయబోతున్నట్టు ఇప్పటికే మేకర్స్ అధికారికంగా ప్రకటించారు.ఈ సినిమా విడుదల తేదీ దగ్గర పడుతుండడంతో ప్రొమోషన్స్ లో కూడా వేగం పెంచేశాడు రాజమౌళి.
ఇప్పటికే ఈ సినిమా నుండి వచ్చిన గ్లిమ్స్, పాటలు అన్ని కూడా మంచి స్పందన తెచ్చుకున్నాయి.
డిసెంబర్ 3న ఈ సినిమా ట్రైలర్ కూడా విడుదల చేస్తున్నట్టు ప్రకటించినప్పటికీ కొన్ని కారణాల వల్ల వాయిదా వేస్తున్నామని.త్వరలోనే కొత్త డేట్ ను ప్రకటిస్తామని సోషల్ మీడియా ద్వారా ప్రకటించారు.అయితే ఈ సినిమా ట్రైలర్ ను విడుదల చేయడానికి కొత్త డేట్ ను ఫిక్స్ చేసినట్టు సమాచారం.
అందుతున్న సమాచారం ప్రకారం ఈ సినిమా ట్రైలర్ ను డిసెంబర్ 7న కానీ లేదంటే 9న కానీ విడుదల చేయడానికి సన్నాహాలు చేస్తున్నారట.
ఈ రెండు డేట్ లలో ఒక డేట్ కి పక్క ఈ సినిమా ట్రైలర్ వస్తుందని సమాచారం.ఇక ఈ సినిమాలో ఎన్టీఆర్ కొమరం భీం గా నటిస్తుంటే.చరణ్ అల్లూరి సీతారామరాజు పాత్రలో నటిస్తున్నాడు.
ఇక ఈ సినిమాను భారీ బడ్జెట్ తో దానయ్య నిర్మిస్తుండగా.కీరవాణి సంగీతం అందిస్తున్నాడు.
ఎన్టీఆర్ సరసన ఒలీవియా మోరిస్ నటిస్తుంటే.చరణ్ కు జంటగా ఆలియా భట్ నటిస్తుంది.
బాలీవుడ్ హీరో అజయ్ దేవగన్ కూడా కీలక పాత్రలో నటిస్తున్నాడు.