స్త్రీ, పురుషులు అనే తేడా లేకుండా దాదాపు అందరినీ ఏదో ఒక జుట్టు సంబంధిత సమస్య ఇబ్బంది పెడుతూనే ఉంటుంది.వాటిని నివారించుకునేందుకు ఖరీదైన నూనెలు, షాంపూలు వాడతారే తప్ప.
జుట్టు విషయంలో తాము చేస్తున్న పొరపాట్ల గురించి మాత్రం పట్టించుకోనే పట్టించుకోరు.ముఖ్యంగా జుట్టు తడిగా ఉన్నప్పుడు చేసే పొరపాట్ల వల్ల ఎన్నో ఇబ్బందులను పడాల్సి వస్తుంది.
అందుకే తల స్నానం చేశాక తడి జుట్టు విషయంలో కొన్ని కొన్ని పొరపాట్లను అస్సలు చేయరాదు.మరి లేటెందుకు ఆ పొరపాట్లు ఏంటో చూసేయండి.
సాధారనంగా కొందరు నిద్ర పోయే ముందు తల స్నానం చేసి తడి జుట్టుతో నిద్రిస్తుంటారు.కానీ, ఇలా చేయడం వల్ల హెయిర్ ఫాల్ సమస్య విపరీతంగా పెరిగి పోతుంది.అందుకే ఎప్పుడూ జుట్టును బాగా ఆరబెట్టుకున్న తర్వాతే నిద్రించాలి.
అలాగే చాలా మంది తెలిసో, తెలియకనో తడి జుట్టును ముడి వేసుకుంటారు.
కానీ, ఇలా చేస్తే జుట్టు గరుకుగా మరియు పొడిగా మారిపోతుంది.కొందరు తడి జుట్టును త్వరగా ఆరబెట్టుకోవడం కోసం టవల్ తో తెగ రుద్దేస్తుంటారు.
ఇలా చేయడం వల్ల జుట్టు కుదుళ్లు తీవ్రంగా దెబ్బ తింటారు.ఫలితంగా జుట్టు మధ్యలోకి తెగిపోవడమే కాదు ఎక్కువగా రాలి పోతుంది కూడా.
తడి జుట్టుపై హెయిర్ డ్రైయర్స్, హెయిర్ కర్లర్స్, హెయిర్ స్ప్రే, హెయిర్ స్ట్రెయిట్నర్స్ వంటి వాటిని ఉపయోగిస్తుంటారు కొందరు.అయితే ఇలా చేయడం వల్ల జుట్టు ఆరోగ్యం దెబ్బ తినడంమే కాకుండా కేశాలు పొడిగా, రఫ్గా మారి పోతాయి.మరియు జుట్టు చివర్లు చిట్లి పోయే ప్రమాదం సైతం ఎక్కువే అందుకే తడి జుట్టుపై వాటిని పొర పాటున కూడా ఉపయోగించరాదు.ఇక కొందరు తడి జుట్టును దువ్వుతుంటారు.
ఇలా చేస్తే జుట్టు రాలే సమస్య మరింత పెరుగుతుంది.కాబట్టి, తడి జుట్టును ఎప్పుడూ దువ్వరాదు.