మెగాస్టార్ చిరంజీవి, కొరటాల శివ కాంబినేషన్ లో వస్తున్న ఆచార్య సినిమా నుండి సిద్ధ టీజర్ వచ్చేసింది.సినిమాలో సిద్ధ పాత్రలో రాం చరణ్ నటిస్తున్నాడు.
సినిమాలో ఈ పాత్ర చాలా కీలకమని తెలుస్తుంది.ఆచార్య సిద్ధ టీజర్ లో చరణ్ లుక్స్, స్టైల్ అదిరిపోయాయి.
ఓ పక్క ధర్మస్థలిని కాపాడే వ్యక్తిగా కనిపించిన చరణ్ కట్ చేస్తే అడవిలో తుపాకి పట్టుకుని అన్నగా మారాడు.మరి సిద్ధ పాత్ర ఎలా ఉంటుంది అన్నది శాంపిల్ చూపించగా చిరు ఆచార్య లో చరణ్ అదరగొట్టాడని మాత్రం అర్ధమవుతుంది.
ఇక టీజర్ చివర్లో పులి పిల్ల నీళ్లు తాగుతుంటే పెద్ద పులి కాపలా కాస్తుంటుంది.మరో పక్క అదే కొలనులో చరణ్ నీళ్లు తాగుతుంటే చిరంజీవి అటు ఇటు తిరుగుతాడు.ఈ ఒక్క షాట్ చాలు మెగా ఫ్యాన్స్ కు ఈ సినిమా ఏ రేంజ్ ట్రీట్ ఇవ్వబోతుంది అని చెప్పడానికి.కచ్చితంగా మెగా ఫ్యాన్స్ అంతా పండుగ చేసుకునేలా ఈ సినిమా ఉంటుందని ఈ టీజర్ చూస్తే అర్ధమవుతుంది.
కాజల్, పూజా హెగ్దే హీరోయిన్స్ గా నటిస్తున్న ఈ సినిమా 2022 ఫిబ్రవరి 4న రిలీజ్ ప్లాన్ చేశారు.ఆచార్య సినిమాకు మణిశర్మ మ్యూజిక్ అందిస్తున్నారు.ఇప్పటికే సినిమా నుండి రిలీజైన రెండు సాంగ్స్ సూపర్ హిట్ అయ్యాయి.
