పాన్ ఇండియా స్టార్ ప్రభాస్ హీరోగా బుట్టబొమ్మ పూజా హెగ్డే హీరోయిన్ గా రాధాకృష్ణ దర్శకత్వంలో తెరకెక్కుతున్న సినిమా ‘రాధేశ్యామ్’.ఈ సినిమా అప్డేట్ కోసం అభిమానులు ఎంతగానో ఎదురు చూసారు.కానీ మొన్నటి వరకు ఒక్క అప్డేట్ కూడా ఇవ్వలేదు.ఇక ఇటీవలే ప్రభాస్ పుట్టిన రోజు సందర్భంగా రాధేశ్యామ్ నుండి టీజర్ ను విడుదల చేసారు.రొమాంటిక్ ఎంటర్టైనర్ గా తెరకెక్కిన ఈ సినిమా టీజర్ ఆసక్తిగా ఉంది.
ఇది ఇటలీ నేపథ్యంలో సాగే అందమైన ప్రేమ కథ.ఈ ప్రేమ కథకు అద్బుతమైన గ్రాఫిక్స్ యాడ్ చేసి టీజర్ ను వదలడంతో ఈ సినిమా అన్ని ప్రేమ కథల లాగా మాములుగా ఉండదని అందరికి అర్ధం అయ్యింది.ఈ సినిమాకు గ్రాఫిక్స్ ఎక్కువగా ఉండడం వల్ల ఎక్కువ సమయం తీసుకున్నారు.
ఇక ఈ సినిమాను వచ్చే ఏడాది జనవరి 14న సంక్రాంతి విడుదల చేయబోతున్నారు.
ఇక విడుదల తేదీ కూడా దగ్గర పడుతుండడంతో ప్రమోషన్స్ స్పీడ్ పెంచేశారు చిత్ర యూనిట్.
రాధాకృష్ణ తెరకెక్కిస్తున్న ఈ సినిమాకు జస్టిన్ ప్రభాకరన్ సంగీతాన్ని అందించారు.
మొన్ననే ఒక టీజర్ వదిలిన టీమ్ ఇప్పుడు మరొక టీజర్ ను రెడీ చేయడానికి సిద్ధం అవుతున్నట్టుగా వార్తలు వస్తున్నాయి.మరి మరొక టీజర్ ను ఎప్పుడు వదులుతారో ప్రకటన వస్తే కానీ తెలియరాదు.
ఇక ఈ అద్భుతమైన లవ్ స్టోరీలో మొత్తం 6 పాటలు ఉన్నాయట.ప్రతి పాటను కూడా అద్భుతంగా తెరకెక్కించారట.ఇది ప్రేమ కథ కాబట్టి పాటల మీద కూడా ప్రత్యేక ద్రుష్టి పెట్టినట్టు తెలుస్తుంది.
ఇక ఈ పాటలను కూడా ఒక్కొక్కటిగా విడుదల చేయడానికి రెడీ అవుతున్నారు.ఇక ఇప్పటి నుండి ఈ సినిమా నుండి గ్యాప్ లేకుండా అప్డేట్ లు రావడం ఖాయంగా కనిపిస్తుంది.
ఇప్పటికే ప్రభాస్, పూజా మధ్య రొమాన్స్ అద్భుతంగా వచ్చిందని చిత్ర యూనిట్ తెలిపింది.అందుకే ఈ అందమైన ప్రేమ కథను తెరమీద చూడడానికి ప్రేక్షకులంతా ఆతృతగా ఎదురు చూస్తున్నారు.