సోషల్ మీడియాలో ప్రతి రోజూ ఎన్నో వీడియోలు వైరల్ అవుతుంటాయి.వాటిలో కొన్ని వీడియోలు మనల్ని అబ్బురపరుస్తుంటాయి.
అయితే మనల్ని ఆశ్చర్యపరిచే వీడియోలన్నీ నిజం కాకపోవచ్చు.కానీ అవి చూడడానికి మాత్రం చాలా నమ్మశక్యంగా ఉంటాయి.
తాజాగా అలాంటి ఓ వీడియోనే సోషల్ మీడియాలో విస్తృతంగా చక్కర్లు కొడుతోంది.ఈ వీడియోలో ఓ వ్యక్తి క్యాప్సికం (ఓ రకమైన మిరపకాయ) చెట్టు కాయల నుంచి కరెన్సీ నాణేలు బయటికి తీశాడు.
దీంతో నెటిజన్లు నోరెళ్లబెడుతున్నారు.అసలు ఆ కాయ లోపలకి కరెన్సీ కాయిన్స్ ఎలా వచ్చాయి? నిజంగానే ఆ చెట్టు కాయల్లో గింజలకు బదులు రూపాయి బిళ్లులు కాస్తున్నాయా అని నెటిజన్లు ఆశ్చర్యపోతున్నారు.
వైరల్ అయిన వీడియో ప్రకారం.ఓ వ్యక్తి తన పెరట్లో పెద్ద ఎత్తున క్యాప్సికం మొక్కలు నాటాడు.ఆ మొక్కలు పెరిగి పెద్దయి.కోత దశకు వచ్చాయి.
ఈ క్రమంలో అతడు తన క్యాప్సికం తోటకు వెళ్లాడు.మొదటగా ఒక క్యాప్సికం కాయను మధ్యగా చీల్చాడు.
అంతే ఆ కాయలో నుంచి పదుల సంఖ్యలో కరెన్సీ కాయిన్స్ బయటపడ్డాయి.అలాగే దాని పక్కనే ఉన్న మరొక కాప్సికాన్ని కూడా కట్ చేసాడు.
అందులో కూడా కుప్పలుతెప్పలుగా కాయిన్స్ కనిపించాయి.ఇదంతా కూడా చూసేందుకు చాలా నమ్మదగినదిగా అనిపించింది.
కానీ నిజానికి ఈ వ్యక్తి వీడియో తీయడానికి ముందు క్యాప్సికం కాయలను మధ్యగా కట్ చేసి అందులో కాయిన్స్ పెట్టి తర్వాత దాన్ని జిగురుతో గట్టిగా అంటించాడు.అందుకే ఆ కాయలు అలా ఎలాంటి రంధ్రం లేకుండా కనిపించాయి.
తర్వాత ఏమీ ఎరగనట్టు వాటిని చీల్చి నిజంగానే అందులో కాయిన్స్ ఉన్నట్లు చూపించాడు.
ఈ వీడియోని ఇన్‌స్టాగ్రామ్‌లో షేర్ చేయగా అది వైరల్ గా మారింది.నిజంగా చెట్లకు కాయలు కాయవని చిన్నపిల్లలను అడిగినా చెప్తారు కాబట్టి ఇది ఫేక్ అని అందరూ గ్రహించాలి.అయినప్పటికీ ఈ ట్రిక్ మాత్రం చాలామంది నెటిజన్లను ఆశ్చర్యపరుస్తోంది.
దాంతో ఇది కాస్తా వైరల్ గా మారింది.
