బాలీవుడ్ బాద్ షా షారుక్ ఖాన్ తనయుడు ఆర్యన్ ఖాన్ డ్రగ్స్ కేసులో అరెస్ట్ అయిన సంగతి మనకు తెలిసిందే.అక్టోబర్ 3వ తేదీన క్రూయిజర్ షిప్ రేవ్ పార్టీలో పట్టుపడిన ఆర్యన్ ను అప్పటి నుంచి ఎన్సీబీ అధికారులు తమ కస్టడీలోనే ఉంచుకొని ఈ విషయంపై ఆర్యన్ ను విచారణ చేస్తున్నారు.
ఈ క్రమంలోనే పలుమార్లు ఆర్యన్ కి బెయిల్ రాకపోవడంతో షారుక్ ఖాన్ కుటుంబం ఎంతో ఆందోళన చెందుతున్నారు.గత రెండు రోజుల క్రితం జరిగిన విచారణలో భాగంగా ఆర్యన్ బెయిల్ పిటిషన్ రద్దు కావడంతో మరోసారి ఆర్యన్ కి రిమాండ్ పొడిగించారు.
ఇలా మరొకసారి బెయిల్ రద్దు కావడంతో షారుఖాన్ ఎంతో నిరాశ చెందారు.ఈ క్రమంలోనే షారుక్ ఖాన్ ఆర్యన్ను చూసేందుకు ముంబైలోని ఆర్థర్ రోడ్ జైలుకి వెళ్లారు.
అక్కడికి వెళ్ళిన షారుక్ తన కొడుకుని చూసి ఎంతో భావోద్వేగం అయ్యారని తెలుస్తోంది.సుమారు 20 నిమిషాలపాటు కొడుకుతో మాట్లాడిన షారుఖ్ అతని ఆరోగ్యం గురించి ఆరా తీశారు.
సరిగ్గా తింటున్నావా లేదా అంటూ షారుక్ ప్రశ్నించగా తనకు జైలు భోజనం పడటం లేదని ఆర్యన్ చెప్పారు.
ఈ క్రమంలోనే షారుక్ ఖాన్ తన కొడుకు ఆరోగ్యాన్ని దృష్టిలో పెట్టుకొని తనకు ఇంటి నుంచి భోజనం పంపించవచ్చా అంటూ అధికారులను అడగడంతో అందుకు కోర్టు అనుమతి తప్పనిసరి అంటూ అధికారులు సమాధానం చెప్పారు.ప్రస్తుతం ఆర్యన్ ఖాన్ సరైన భోజనం చేయక, ఎంతో మానసిక ఒత్తిడికి గురవుతున్నట్లు తెలియడంతో తన కొడుకు ఆరోగ్య పరిస్థితిపై షారుఖ్ తీవ్ర ఆందోళన చెందుతున్నారని తెలుస్తోంది.