ప్రస్తుత కాలంలో సినిమా హిట్ కావాలంటే కథ, కథనంతో పాటు హీరోల లుక్ కూడా కొత్తగా ఉండాల్సిందే.సీనియర్ స్టార్ హీరోలతో పాటు యంగ్ జనరేషన్ హీరోలు సైతం కొత్త తరహా పాత్రలపై దృష్టి పెడితే మంచిది.
బాలకృష్ణ అఖండ సినిమాలో అఘోరా రోల్ లో కనిపిస్తున్నారు.అఖండలో బాలయ్య ఈ గెటప్ లో కనిపించేది కొన్ని క్షణాలే అయినా ఆ సీన్లు ఫ్యాన్స్ కు పూనకాలు వచ్చే విధంగా ఉంటాయని వార్తలు వస్తున్నాయి.
అయితే బాలయ్య కంటే ముందే కొంతమంది టాలీవుడ్ స్టార్ హీరోలు, యంగ్ హీరోలు ఈ తరహా పాత్రలలో నటించి మెప్పించడం గమనార్హం.ఇమేజ్ ను పక్కన పెట్టి స్టార్ హీరోలు ఈ తరహా పాత్రలలో నటించడానికి రిస్క్ చేస్తున్నారు.టాలీవుడ్ యంగ్ హీరో విశ్వక్ సేన్ సైతం ఒక సినిమాలో అఘోరా పాత్రలో నటిస్తున్నారని తెలుస్తోంది.గామీ అనే సినిమాలో విశ్వక్ అఘోరా పాత్రలో కనిపించనున్నారు.
రాఘవేంద్రరావు డైరెక్షన్ లో తెరకెక్కిన శ్రీ మంజునాథ సినిమాలో చిరంజీవి కొన్ని నిమిషాల పాటు అఘోరా రోల్ లో కనిపించారు.శ్రీనివాసరెడ్డి డైరెక్షన్ లో తెరకెక్కిన ఢమరుకం సినిమాలో నాగార్జున కొన్ని నిమిషాల పాటు అఘోరా పాత్రలో కనిపించారు.అఘోర అనే మూవీలో నాగబాబు అఘోరగా కనిపించారు.అరుంధతి సినిమాలో సోనూసూద్ పశుపతి పాత్రలో అఘోరాగా నటించి మెప్పించారు.
పి.వాసు డైరెక్షన్ లో తెరకెక్కిన నాగవల్లి సినిమాలో వెంకటేష్ అఘోర పాత్రలో కనిపించారు.బాల డైరెక్షన్ లో తెరకెక్కిన నేను దేవుడ్ని సినిమాలో ఆర్య అఘోరగా కనిపించారు.అహం బ్రహ్మాస్మి సినిమాలో మంచు మనోజ్ సైతం అఘోరగా కనిపించనున్నారు.అఘోర పాత్రలో తెలుగులో ప్రస్తుతం చాలా సినిమాలు తెరకెక్కనుండగా ఈ సినిమాలలో ఎన్ని సినిమాలు సక్సెస్ ను అందుకుంటాయో చూడాల్సి ఉంది.