నేచురల్ బ్యూటీ సాయి పల్లవి అంటే వెంటనే ఆమె డాన్స్ గుర్తుకు వస్తుంది.ఎంతో ఎనర్జిటిక్ గా సాయి పల్లవి వేసే స్టెప్పులకు ప్రేక్షకులు ఫిదా కావాల్సిందే.
సాయి పల్లవి సినిమాలలోని పాటలు విడుదల అవుతున్నాయి అంటే సోషల్ మీడియాలో రికార్డులు బద్దలు కావాల్సిందే.అంతగా తన డాన్స్ తో ప్రేక్షకులను సాయి పల్లవి ఆకట్టుకుంటారు.
ఈ క్రమంలోనే ఈమె నటించిన ఫిదా సినిమాలోని వచ్చిండే పిల్ల మెల్లగా వచ్చిండే అనే పాట ఎలాంటి రికార్డులను సృష్టించిందో మనకు తెలిసిందే.
తాజాగా శేఖర్ కమ్ముల దర్శకత్వంలో తెరకెక్కిన లవ్ స్టోరీ చిత్రం నుంచి సారంగదరియా అనే పాట కూడా మిలియన్ల సంఖ్యలో వ్యూస్ వచ్చాయి.
ఇప్పటికీ ఈ పాట యూ ట్యూబ్ లో ట్రెండ్ అవుతూనే ఉంది.ఇదిలా ఉండగా తాజాగా సాయిపల్లవి నటించిన “శ్యామ్ సింగరాయ్”చిత్రం నుంచి ఒక స్పెషల్ సాంగ్ ని విడుదల చేయడానికి చిత్ర బృందం ఏర్పాట్లు చేస్తున్నట్లు తెలుస్తోంది.
కలకత్తాలో జరిగే దసరా నవరాత్రి ఉత్సవాల నేపథ్యంలో భాగంగా ఈ పాటను చిత్రీకరించినట్లు తెలుస్తోంది.క్లాసికల్ డాన్స్ నేపథ్యంలో సాగే ఈ పాట త్వరలోనే విడుదల కాబోతుందని ఈ పాట ద్వారా సాయి పల్లవి మరోసారి రికార్డులు సృష్టించబోతోందని తెలుస్తోంది.ఇకపోతే ఈ సినిమా క్రిస్మస్ కానుకగా డిసెంబర్ 24వ తేదీ ప్రేక్షకుల ముందుకు రాబోతుందని చిత్రబృందం అధికారికంగా ప్రకటించారు.
తెలుగు వార్త విశేషాలు సులభముగా తెలుసుకోండి!!!!
