టాలీవుడ్ స్టార్ హీరోయిన్ సమంత ప్రస్తుతం సౌత్ ఇండియాలో ఉన్న టాప్ హీరోయిన్లలో ఒకరనే సంగతి తెలిసిందే.తెలుగు, తమిళ భాషల్లో ఇప్పటికే పలు సినిమాల ద్వారా విజయాలను అందుకున్న సమంత ది ఫ్యామిలీ మేన్ 2 వెబ్ సిరీస్ లోని రాజీ పాత్ర ద్వారా బాలీవుడ్ ఇండస్ట్రీలో కూడా పాపులారిటీని అంతకంతకూ పెంచుకున్నారు.
ఇటీవల సమంత వివాహ బంధానికి సంబంధించి సంచలన నిర్ణయం తీసుకున్నారనే సంగతి తెలిసిందే.
సమంత నటించిన పౌరాణిక చిత్రం శాకుంతలం వచ్చే ఏడాది ఫస్ట్ హాఫ్ లో రిలీజ్ కానుంది.
తాజాగా సమంత ఒక ఇంటర్వ్యూలో మాట్లాడుతూ ఫ్యామిలీ మ్యాన్2 వెబ్ సిరీస్ స్పెషల్ సిరీస్ అవుతుందని అనుకున్నానని కానీ ఈ స్థాయిలో సంచలనం సృష్టిస్తుందని తాను భావించలేదని ఆమె చెప్పుకొచ్చారు.ఫ్యామిలీ మ్యాన్2 సక్సెస్ నుంచి మరింత ఎక్కువగా కష్టపడాలనే స్పూర్తిని పొందానని సమంత పేర్కొన్నారు.
తనకు ఛాలెంజింగ్ రోల్స్ ఇష్టం కాబట్టే శాకుంతలం రోల్ లో నటించానని శాకుంతలంలో తాను అందంగా కనిపిస్తానని సమంత పేర్కొన్నారు.పురాణ కథలు చదివే సమయంలో తనను తాను మహారాణిలా ఊహించుకుంటానని డ్రీమ్ రోల్ ను చేసే అవకాశం తనకు శాకుంతలం సినిమాతో దక్కిందని ఆమె చెప్పుకొచ్చారు.అల్లు అర్హ రాక్ స్టార్ అని ఆ పాప గురించి ఏం చెప్పినా తక్కువే అని సమంత చెప్పుకొచ్చారు.
అర్హ తెలుగు అద్బుతంగా మాట్లాడుతుందని అల్లు అర్హ భవిష్యత్తులో చిత్రపరిశ్రమను ఏలబోతుందని సమంత పేర్కొన్నారు.బాలీవుడ్ లో సినిమా ఆఫర్లు వస్తే ఖచ్చితంగా చేస్తానని సామ్ వెల్లడించారు.హెడ్ లైన్స్ కోసం అడిగే ప్రశ్నలు తనకు నచ్చవని సమంత చెప్పుకొచ్చారు.
నేను చేసిన చాలా సినిమాలు టీవీలో వస్తుంటే టీవీని వెంటనే ఆపేస్తానని నన్ను నేను అలా చూసుకోవడం నచ్చదని ఆమె వెల్లడించారు.