దక్షిణాది సినిమా ఇండస్ట్రీలో లేడీ సూపర్ స్టార్ గా పేరు సంపాదించుకున్న నయనతార ఆమె ప్రియుడు విగ్నేష్ శివన్ రౌడీ పిక్చర్స్ నిర్మాణ సంస్థను ప్రారంభించిన విషయం తెలిసిందే. ఈ క్రమంలోనే వీరి నిర్మాణ సంస్థలో ఇప్పటికే కూళాంగళ్, రాఖీ చిత్రాలు తెరకెక్కాయి.
త్వరలోనే ఈ సినిమాలు విడుదలకు సిద్ధం అవుతున్న నేపథ్యంలో మరోసారి వీరి నిర్మాణ సంస్థలో మరొక సినిమాను నిర్మించడానికి సిద్ధమయ్యారు.
బిగ్‌బాస్‌ ఫేమ్‌ కవిన్ కథానాయకుడిగా అరుణ్ దర్శకుడిగా పరిచయమవుతున్న ఊర్‌ కురువి అనే చిత్రానికి నయనతార విగ్నేష్ నిర్మాతగా వ్యవహరించనున్నారు.
కవిన్ ఇప్పటికే నటించిన లిప్టు చిత్రం ఇటీవల ఓటీటీ విడుదలై మంచి గుర్తింపు సంపాదించుకుంది.ఈ క్రమంలోనే రౌడీ పిక్చర్స్ నిర్మాణ సంస్థలో మరొక సినిమా తెరకెక్కించనున్నారు.
ఇక అరుణ్ ఈ సినిమాకు దర్శకుడిగా పరిచయం కాబోతున్నారు.అరుణ్ ఇదివరకే విగ్నేష్ శివన్ దర్శకత్వంలో తెరకెక్కిన సినిమాలకు అసిస్టెంట్ డైరెక్టర్ గా పని చేయడం వల్ల అతడి ప్రతిభను గుర్తించిన విగ్నేష్ ఈ సినిమాకు దర్శకత్వ బాధ్యతలను అప్పగించారు.ఇకపోతే ఈ సినిమాకు సంబంధించిన పూర్తి వివరాలను త్వరలోనే తెలియజేయనున్నారు.
తెలుగు వార్త విశేషాలు సులభముగా తెలుసుకోండి!!!!
తాజా వార్తలు
