తెలుగు సినిమా ఇండస్ట్రీలో మాస్ మహారాజ్ గా గుర్తింపు తెచ్చుకున్న రవితేజ నటించినటువంటి “నేల టికెట్” సినిమా ద్వారా తెలుగు తెరకు పరిచయమైన నటి మాళవిక శర్మ.ఈమె నటించిన మొదటి సినిమా బాక్సాఫీస్ వద్ద పెద్దగా గుర్తింపు తెచ్చుకోలేదు.
ఈ సినిమా తర్వాత ఆమెకు తెలుగులో ఎలాంటి అవకాశాలు రాలేదు.తాజాగా ఈ ఏడాది ఎనర్జిటిక్ స్టార్ రామ్ హీరోగా తెరకెక్కిన రెడ్ చిత్రంలో హీరోయిన్ పాత్రలో నటించే అవకాశం దక్కించుకున్న ఈ బ్యూటీ ఈ సినిమాతో పరవాలేదనిపించుకుంది.
తాజాగా మాళవిక శర్మ నాచురల్ స్టార్ నానితో జతకట్టబోతున్నట్లు తెలుస్తుంది.ప్రస్తుతం వరుస సినిమాలతో ఎంత బిజీగా ఉన్నా నాని “అంటే.సుందరానికి” చిత్రం తర్వాత.సుకుమార్ శిష్యుడు అయినటువంటి శ్రీకాంత్ దర్శకత్వంలో ఓ సినిమా చేయనున్నారు.
ఈ క్రమంలోనే ఈ సినిమాకు “దసరా” అనే టైటిల్ పరిశీలనలో ఉంచారు.ఇందులో ఇద్దరు కథానాయకులు ఉండబోతున్నారని, వారిలో సెకండ్ హీరోయిన్ గా మాళవిక శర్మ ను తీసుకోవాలనే ఆలోచనలో చిత్రబృందం ఉన్నట్లు సమాచారం.
ఇప్పటికే చిత్ర బృందం ఈమెతో సంప్రదింపులు జరపగా త్వరలోనే మాళవిక శర్మ సినిమా ఎంట్రీ పై క్లారిటీ రానుంది.ఇక త్వరలో దసరా పండుగ సందర్భంగా దసరా పండుగ కానుకగా ఈ సినిమాను అధికారికంగా ప్రకటించే అవకాశాలు ఉన్నట్లు తెలుస్తోంది.
మరి దసరా సినిమా ద్వారా మానవిక శర్మ ఏ విధమైనటువంటి విజయాన్ని అందుకుంటుందో తెలియాల్సి ఉంది.